ស្អាតតែមិនសំណាង ពេលដឹងខ្សែជីវិតនាង បានដឹងដូចក្នុងកុន កម្ស.ត់ពេកហេីយ

ថៃ៖ ជារឿងដ៏សោកស្តាយ និងសង្វេគខ្លាំងជាទីបំផុត ក្រោយពេលបានដំណឹង នៃការធ្លាក់ចូលទន្លេចៅប្រះយ៉ា របស់ Tangmo ធ្វើឲ្យាតារាស្រីដ៏កម្សត់រូបនេះបានបា.ត់.ប.ង់ ជីវិតយ៉ាងឆាប់រហ័ស ស្ទើរទទួលយកមិនបាន។

គួររំលឹកផងដែរថា កាលពីនៅមានជីវិត Tangmo ក៏ធ្លាប់ជួបរឿងរ៉ាវលំបាកៗជាច្រើនដូចជា៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

-នៅអាយុ ២៣ឆ្នាំ Tangmo បាន​ជួប​គ្រោះ​ថ្នាក់ចរាចរណ៍ ព្រោះនាង​បាន​គេងងក់ អំឡុងពេល​បើកឡាន ក្រោយចេញពី​ថតរឿង។ គ្រោះថ្នាក់​ពេល​នោះ​ សឹងតែធ្វើឲ្យនាង​បាតបង់ជីវិត ដោយ​សារមាន​សភាពធ្ងន់ធ្ងរពេក ហើយក៏បាន​ប៉ះពាល់ដល់ផ្ទៃមុខទៀត រហូត​ត្រូវដេរដល់ទៅ ១៤០ថ្នេរ។

-បន្ទាប់ Tangmo បាន​ឈានចូលជីវិតស្នេហាជាមួយនឹងតារាសម្ដែង Tono Pakin ហើយស្នេហារបស់ពួកគេ​ក៏បាន​ទៅដល់ថ្ងៃរៀបការទៀតផង។ ប៉ុន្តែដោយសារជីវិតប្ដីប្រពន្ធមិនចុះសម្រុងគ្នា ពួកគេ​ក៏សម្រេច​ចែកផ្លូវគ្នា។

- ក្រោយ​ពីលែងលះភ្លាម នាង​ក៏ស្រាប់​តែខូចចិត្ត ហើយព្យាយាមធ្វើបាបខ្លួន​ឯងជាញឹកញាប់ទៀតផង។

-Tangmo អាច​ឆ្លងកាត់ពេលវេលាខ្មៅងងឹត និងចាប់ផ្ដើមជីវិតថ្មីដោយពលីពេលវេលាជាមួយនឹង​ការងារវិញម្ដង។ ទោះ​បី​ជា​នាង​មិនជោគជ័យ​ក្នុងរឿង​ស្នេហា ប៉ុន្តែនៅ​តែមាន​អ្នក​នៅ​ចាំគាំទ្រ និងផ្ដល់​ក្ដី​ស្រឡាញ់ជានិច្ច។

-ក្រោយមកប៉ុន្មានឆ្នាំ នាងក៏បាន​ជួបស្នេហ៍ថ្មីគឺ Nick ដែលជាតារាសម្ដែងវ័យក្មេង។ ទោះជាយ៉ាងណាស្នេហាខុសវ័យនេះ​ក៏ត្រូវបែកបាក់ នៅឆ្នាំ ២០២០។

- វាប្រៀបដូចជាបណ្ដាសារ ព្រោះមិនបាន​ប៉ុន្មាន ឪពុករបស់​នាង​ក៏ចាប់ផ្ដើម​ធ្លាក់ខ្លួនឈឺ ដោយសារជំងឺមហារីក ជាហេតុត្រូវ​ចេញចូលមន្ទីរពេទ្យញឹកញាប់។ Tangmo នេះ​ហើយដែល​តែង​នៅមើលថែ និងលើកទឹកចិត្តឪពុករហូត ហើយខំប្រឹងរកលុយ ព្រោះ​ត្រូវ​រ៉ាប់រងការចំណាយទាំងស្រុងលើថ្លៃព្យាបាលឪពុក។

-ចាប់ពីពេល​នោះមក Tangmo ក៏សម្រេច​សំងំនៅ​តែផ្ទះ​មិនទៅណាឡើយ រយៈពេល​ជាង ២ឆ្នាំ ដោយសារស្ថានភាព​នៃជំងឺកូវីដ១៩ ដែល​រីករាលដាលខ្លាំងកាល​នោះ។

-Tangmo បាន​លាតត្រដាងពី​ការរងទុក្ខ ដោយសារតែជាតិថ្នាំពុលពីការវះកាត់កែសម្ផស្ស ដោយនាងត្រូវ​ខូចទ្រង់ទ្រាយមុខ និងច្រមុះ ស្ពឹកបបូរមាត់ ទម្រង់មាត់មិនស្មើគ្នា បណ្ដាលឲ្យពិបាក​ពេល​ហើបមាត់និយាយ និងខូចមុខជាដើម។ ដូច្នេះ​នេះ​ក៏ជាឧបសគ្គមួយដែរសម្រាប់នាង​ក្នុង​ការធ្វើការក្នុងសិល្បៈ ព្រោះ «មុខ» ជារឿងសំខាន់បំផុត ហេតុដូច្នេះ​ទើប Tangmo សម្រេច​ផ្អាក និងដកខ្លួនចេញពីសិល្បៈដើម្បីព្យាបាល​ខ្លួនសិន គឺដល់ទៅ ២ឆ្នាំជាង។

-Tangmo បាន​ទម្លាយពីវិបត្តិផ្លូវចិត្តនៅ​ក្នុងកម្មវិធី Hone-Krasae (โหนกระแส) ដោយបានបញ្ជាក់ថា «តាំងពីដំបូងៗ ខ្ញុំ​ស្ទើរតែស្លាប់ទៅហើយ ខ្ញុំ​មិនដែល​និយាយនៅ​កន្លែង​ណា​ទេ។ ការសម្ភាសរាល់ដង គឹខ្ញុំ​និយាយតែភាព​វិជ្ជមាន អ្វីដែលល្អៗ ប៉ុន្តែថ្ងៃនេះ​សូម​និយាយពីទស្សនៈផ្សេង។ ឲ្យស៊ីជម្រៅហ្មងគឺ លោកប៉ាខ្ញុំទើបតែអនិច្ចកម្ម។ ពីមុន លោកប៉ារបស់ខ្ញុំឈឺ ខ្ញុំ​មានភាពហត់នឿយខ្លាំង ពេលនោះគឺជា​ពេលដែលខ្ញុំជួបវិបត្តិធ្លាក់ទឹកចិត្តបាត់ទៅហើយ»។ នាងនៅបាន​បន្ថែមទៀតថា​ នាង​ស្រឡាញ់វិស័យសិល្បៈ ស្រឡាញ់ការសម្ដែង​ណាស់ ប៉ុន្តែស្នាមញញឹម​ដែល​ធ្លាប់តែមានប្រែជាបាត់អស់។ បេះដូង Tangmo ត្រូវ​ខ្ទេចខ្ទី លែង​ញញឹមកើតដូចមុន ហើយក្នុងចិត្តមាន​តែស្នាមរបួស។ ប៉ុន្តែក្រោយពីយំសឹងខ្សោះខ្លួន នាង​ក៏បាន​រកឃើញមិត្តល្អ មនុស្សល្អដែល​តែងនៅក្បែរ ពិសេស​បាន​ជួប​ពិភាក្សាជាមួយនឹង​វេជ្ជបណ្ឌិត ដែល​អាច​ជួយព្យាបាលស្ថានភាពរបស់នាងឲ្យបាន​ប្រសើរ រហូត​នាង​អាចញញឹម​បាន​ជាថ្មី។

-ចូលដល់វិបត្តិរឿងលុយកាក់វិញ ក្រោយពីរងទុក្ខដោយសារជំងឺបាក់ទឹក​ចិត្តជាងមួយឆ្នាំ ពេល​វិលមកសភាពដើមវិញ គឺស្របពេលលុយក៏ជិតអស់ ហើយផ្ទះត្រូវបង់រំលោះទៀត និងមាន​បញ្ហាជាមួយនឹង​ការប្រាក់ដ៏ស្មុគស្មាញ ទើបនាង​សម្រេច​ចិត្តលក់ឡានតែម្ដង។

- ជា​ភ័ព្វល្អ នាង​ក៏បាន​ជួបជាមួយនឹង​ បុរសម្នាក់ដែល​មានឈ្មោះថា Bird អ្នកដែល​ស្ថិតនៅក្រៅរង្វង់សិល្បៈ។ ស្នេហារបស់ពួកគេ​ពិតជាគួរឲ្យសរសើរ ដោយសារBird ជា​បុរសល្អ យល់ចិត្តនាង​គ្រប់ពេល​ ហើយមាន​ភក្តីភាពបំផុត។

-នៅថ្ងៃទី២៤ ខែកុម្ភៈ ឆ្នាំ២០២២ Tangmo បាន​ទៅជិះទូកលេង​និងញ៉ាំអីជាមួយនឹង​មិត្តភ័ក្តិ ហើយម៉ោងខ្ទង់ ១១យប់ ក៏ស្រាប់តែមាន​ដំណឹង​ថា​នាង​បាន​ធ្លាក់ចូលកណ្ដាលទន្លេចៅប្រៈយ៉ា។ ក្រោយទទួលព័ត៌មានភ្លាម ម្ដាយ បងប្រុស មិត្តជិតស្និទ្ធ សង្សារ និងសូម្បីអតីតស្វាមី (Tono) ក៏ប្រញាប់មកដល់កន្លែង​កើតហេតុ ដើម្បី​ស្វែង​រក​នារីកម្សត់រូបនេះ។ រយៈពេល​ជិត ២ថ្ងៃ ក្រុមការងារ​ក៏បាន​រកឃើញសាកសពនាងតែម្ដង៕

ប្រភព៖ Thai Star FanPage

សូមទស្សនារូបភាពខាងក្រោម៖

• តារាថៃ