មិនខ្វល់ចចាមអារ៉ាមលែងលះ Liu Shishi បញ្ចេញសម្រស់ឡើងខ្ញង់

ចិន៖ ថ្មីៗនេះ បានធ្វើឲ្យហ្វេនៗជាច្រើន ផ្ទុះការចាប់អារម្មណ៍យ៉ាងខ្លាំង បន្ទាប់ពីមានពាក្យចចាមអារ៉ាមលើកឡើងថា មានទំនាក់ទំនងស្នេហារបស់ គូស្វាមីភរិយា តារាស្រី​ Liu Shishi និង ស្វាមី កំពុងតែឈានដល់ការបែកបាក់។ តែភ្លាមៗនោះ ភាគីខាងប្រុស ស្រាប់តែមានប្រតិកម្មយ៉ាងខ្លាំង និងបានចេញមកបញ្ជាក់ថា នេះជាពាក្យចចាមអារ៉ាមមិនពិត ហើយក្រុមការងាររបស់លោកកំពុងប្រមូលភស្តុតាង ដើម្បីដោះស្រាយតាមផ្លូវច្បាប់។

ដោយឡែក ខណៈនៅកណ្តាលព្យុះភ្លៀងនៃពាក្យចចាមអារា៉មបែបនេះ តារាស្រី Liu Shishi នៅតែរក្សាអាកប្បកិរិយាយ៉ាងស្ងប់ស្ងាត់។ ជាពិសេស កាលពីរសៀលថ្ងៃទី២៥ ខែកុម្ភៈ កន្លងទៅ ខាងស្ទូឌីយ៉ូរបស់នាង បានចែករំលែកនូវរូបភាពថតផ្សាយពាណិជ្ជកម្មពីក្រោយឆាករបស់ Liu Shishi ដែលធ្វើឱ្យមានការចាប់អារម្មណ៍យ៉ាងខ្លាំង ជាមួយនឹងភាពស្រស់ស្អាតនៃសម្រស់របស់នាង បើទោះបីជាមើលទៅ មានការតុបតែងខ្លួនបែបសាមញ្ញក៏ដោយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលសំខាន់នោះ ការបង្ហាញខ្លួនយ៉ាងស្រស់បស់បែបនេះ ត្រូវបានគេលើកឡើងថា ពាក្យចចាមអារ៉ាមបែកបាក់ស្នេហានេះ ហាក់មិនការ​ប៉ះពាល់​អ្វីដល់តារាស្រីរូបនេះឡើយ ដោយនាងនៅតែអាចយក​ចិត្ត​ទុក​ដាក់ ​ចំពោះ​ការងារ​បានយ៉ាងល្អ និងធ្វើឲ្យអ្នកគាំទ្របង្ហាញពីការពេញចិត្ត និងសរសើរ​យ៉ាងខ្លាំង ផងដែរ៕

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន