ម្ដាយរបស់ Tangmo ទម្លាយសារសម្ងាត់ ដែលកូនស្រីត្រូវធ្វើបា.បផ្លូវចិត្ត មុនមានរឿង

ថៃ៖ កាលពីរសៀលថ្ងៃទី ២៧ ខែកុម្ភៈ កន្លងទៅ យោងតាម គេហទំព័រ Thairath បានរាយការណ៍ថា អ្នកស្រី Panida ដែលជាម្ដាយរបស់ តារាស្រី Tangmo ស្រាប់តែបានទៅប៉ុស្តិ៍នគរបាល Muang Nonthaburi ដើម្បីសួរនាំភស្តុតាងបន្ថែមក្នុងគ្រោះថ្នាក់របស់កូនស្រី រហូតដល់បា.ត់.ប.ង់.ជី.វិ.ត ។

តាមប្រភពដដែលនេះ បាន​ឲ្យ​ដឹង​ថា អ្នកស្រី Panida បាន​យក​ភស្តុតាង​មក​កាន់​ប៉ុស្តិ៍​ប៉ូលិស ដែល​ជា​សារ​ របស់​បុរស​ម្នាក់​នៅ​លើ​ទូក។ ហើយសារ​នោះ​ក៏ ​រួម​បញ្ចូលទាំង​កិច្ច​ព្រម​ព្រៀង​សម្ងាត់​ដែល Tangmo មិន​បាន​ដឹង​ផង​ដែរ។ អ្វីដែលគួរឲ្យកត់សម្គាល់នោះ ម្តាយបង្កើតរបស់ Tangmo បាននិយាយថា កូនស្រីរបស់ខ្លួន ត្រូវបានគេរំ.លោ.ភទាំងផ្លូវកាយ និងផ្លូវចិត្ត ដែលវាជាបញ្ហានាំឱ្យមានភាពចម្រូងចម្រាស រហូតឈានដល់ការស្លា.ប់។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ ក្នុងសន្និសីទសារព័ត៌មាន អ្នកគ្រប់គ្រងរបស់ Tangmo បានប្រាប់ថា ខ្លួនខកខានមិនបានលើកទូរស័ព្ទពី អ្នកស្រី Panida ដោយសារនាងហត់ពេក និងបារម្ភពីកូននៅផ្ទះ ទើបនាងត្រឡប់មកផ្ទះវិញ ប៉ុន្តែគេងមិនលក់ ដោយតែគិតចង់ប្រាប់សាច់ញាតិរបស់ Tangmo នូវព័ត៌មាននេះ។ជាពិសេសអ្នកគ្រប់គ្រងរូបនេះក៏បានបង្ហាញដែរថា កន្លងមក នាងធ្លាប់និយាយជាមួយឪពុករបស់ Tangmo ប៉ុន្តែមិនស្និទ្ធស្នាលជាមួយនឹងអ្នកម្តាយរបស់តារាស្រីរូបនេះទេ ព្រមទាំងបានរៀបរាប់ថា នាងបានទៅមើល និងនិយាយជាមួយ អ្នកស្រី Panida នៅវិទ្យាស្ថានស្រាវជ្រាវកោសល្យវិច្ច័យ នៅពេលសមត្ថកិច្ចនាំយកស.ព Tangmo មកទៀតផង។

តែទោះជាយ៉ាងណាក៏ដោយ នៅក្នុងសេចក្តីថ្លែងការណ៍មួយ អ្នកស្រី Panida បានអះអាងថា អ្នកគ្រប់គ្រងរូបនេះ ជាអ្នកភូតកុហក ដោយអ្នកទាំងពីរមិនដែលនិយាយរកគ្នាទេ តាំងពីកើតហេតុរហូតមកដល់ពេលនេះ។ ហើយទាក់ទងនឹងបញ្ហាដែលក្រុមមិត្តភ័ក្តិនិយាយថា Tangmo ទៅបង្គន់នៅខាងចុងទូកនោះ អ្នកស្រីក៏បាននិយាយថា វាមិនអាចទៅរួចទេ ព្រោះ កូន​ស្រី​របស់​ខ្លួន ​មិន​ធ្វើ​បែប​នេះ​នៅ​ទី​សាធារណៈនោះ​ទេ៕

ប្រភព៖ Kenh14

សូមទស្សនារូបភាពខាងក្រោម៖ 

• តារាថៃ