ជាអ្នកម៉ាក់ដ៏ល្អ Angelababy ចំណាយពេលជាច្រើនជាមួយកូន

ចិន៖ ថ្មីៗនេះ យោងតាមទំព័រ​Sina បានបង្ហាញថា បន្ទាប់ពីថតរឿងថ្មីពេញមួយថ្ងៃរហូតដល់យប់ កាលពីថ្ងៃទី ២២ កុម្ភៈ ភ្លាមៗនោះ តារាសម្ដែងស្រី Angelababy ក៏បានប្តូរសម្លៀកបំពាក់ ដើម្បីទៅជួបកូនប្រុសរបស់នាង។

មិនត្រឹមតែប៉ុណ្ណោះ តារា​ស្រីរូប​នេះ ថែមទាំង​បាន​នាំ​កូនសំណព្វចិត្តរបស់ខ្លួន ​ទៅ​ហាង​លក់​ទំនិញ​មួយ​កន្លែង។ ជាពិសេស ដោយស្ថិតក្នុងវ័យ ៥ ឆ្នាំ​ កូនប្រុសដ៏គួរឲ្យស្រលាញ់របស់នាង បានបង្ហាញពីសកម្មភាពយ៉ាងរស់រវើក រត់​លេងគ្រប់​ទី​កន្លែង ខណៈ​ដែលអ្នកម្ដាយ​ បានដើរ​តាម​ពី​ក្រោយ​ជាមួយនឹង​របស់​របរ​របស់​ខ្លួន។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត នៅប៉ុន្មានថ្ងៃមុននេះ អ្នកប្រមាញ់រូបថត បានចាប់យករូបភាព Angelababy នាំកូនប្រុសរបស់នាង ទៅកម្មវិធីប្រគុំតន្ត្រី ដោយបានអង្គុយលើភ្លៅម្តាយយ៉ាងស្ងៀមស្ងាត់ ផងដែរ៕

លើសពីនេះ ខាងកាសែត Sohu បានលើកឡើងថា ជីវិតរបស់ Angelababy គឺតែងតែផ្តោតលើការងារ និងកូនប្រុសរបស់នាង ជានិច្ច។ ហើយក្រោយ​ពី​ម៉ោង​ធ្វើ​ការ នាងក៏​បាន​ត្រឡប់​មក​រកកូន​វិញ ដែលធ្វើឲ្យទស្សនិកជន​ បាន​សរសើរ​នាង​ថា ​ជា​ម្តាយ​ដ៏​ល្អ មិន​ធ្វេសប្រហែសចំពោះ​កូន​ បើទោះបីជាមានការងាររវល់ ក៏ដោយ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាចិន