មូលហេតុធំៗ ៥យ៉ាង ធ្វើឲ្យស្រីៗមួយចំនួនមិនចង់មានកូន!

ទន្ទឹមនឹងការកើនឡើងនៃចំនួនប្រជាជននៅបណ្ដាប្រទេសមួយចំនួន ក៏មានប្រទេសរីកចម្រើនខ្លះទៀត បែរជាប្រឈមនឹងការធ្លាក់ចុះនៃអត្រាកំណើតទៅវិញ តួយ៉ាងដូចជាប្រទេសកូរ៉េខាងត្បូងដែលជាប្រទេសអភិវឌ្ឍន៍ដ៏ខ្លាំងក្លាមួយ។ យោងតាមស្ថិតិនៅក្នុងប្រទេសកូរ៉េ ប្រមាណ១៨%នៃប្ដីប្រពន្ធចំនួន២១៦ ០០៨ នាក់ដែលរៀបការរួចនៅឆ្នាំ២០១៥ នៅមិនទាន់មានកូន ហើយនៅឆ្នាំ២០១៩ អត្រាកំណើតជាមធ្យមនៅត្រឹម០,៩២% ប៉ុណ្ណោះ។

រីឯប្រទេសជប៉ុនក៏កំពុងព្យាយាមបង្កើនអត្រាកំណើតដូចគ្នា ដោយចំនួនទារកកើតក្នុងឆ្នាំ២០១៩មានការធ្លាក់ចុះប្រហែល៥,៩% ដែលបង្កជាកង្វល់ដល់ធំមួយដល់រដ្ឋាភិបាល។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តើហេតុអ្វីបានជាស្ត្រីមួយចំនួន ជ្រើសរើសមិនចង់មានកូន?

១. កត្តាការងារ

ពិតណាស់ ស្រីៗមួយចំនួនបានចំណាយពេលច្រើនជាមួយការងារ ក៏ដូចជាខិតខំប្រឹងប្រែងសម្រេចកិច្ចការសំខាន់ៗ។ ដូច្នេះហើយ ពួកគេអាចជ្រើសរើសផ្ដោតអារម្មណ៍ទៅលើការងារ ជាជាងចំណាយពេលមើលថែទាំកូន។

២. កត្តាសេដ្ឋកិច្ច

ទន្ទឹមនឹងនេះដែរ ការចិញ្ចឹមបីបាច់ថែរក្សាកូនត្រូវចំណាយថវិកាច្រើន រួមមានការស្នាក់នៅ អាហារ សំលៀកបំពាក់ ការថែទាំសុខភាព និងការអប់រំ ឬការធ្វើដំណើរជាដើម ដែលធ្វើឲ្យស្ត្រីមួយចំនួនមានការបារម្ភពីការចំណាយដ៏ច្រើននេះ។

៣. សុខភាពម្ដាយ

មួយវិញទៀត ការមានកូនក៏អាចប៉ះពាល់ដល់សុខភាពម្ដាយផងដែរ ពីព្រោះស្ត្រីខ្លះជួបប្រទះបញ្ហាសុខភាពមួយចំនួនដែលនាំឲ្យមានគ្រោះថ្នាក់ដល់ទាំងម្ដាយ និងកូន ឬអាចប៉ះពាល់ដល់សុខភាពផ្លូវចិត្តថែមទៀតផង។ លើសពីនេះ ប៉ាម៉ាក់ខ្លះមិនចង់ឲ្យកូនកើតជំងឺតំណពូជពីខ្លួន ទើបជ្រើសរើសមិនយកកូនតែម្ដង។

៤. បែបបទនៃការរស់នៅ

ការចំណាយពេលស្ងៀមស្ងាត់ និងធ្វើអ្វីដែលខ្លួនពេញចិត្ត ក៏ដូចជាយកចិត្តទុកដាក់លើការថែទាំសត្វចិញ្ចឹម គឺជារឿងដែលស្រីៗមួយចំនួនមិនអាចខ្វះបានឡើយ។ ដូច្នេះហើយ ទើបអ្នកខ្លះសុទ្ធចិត្តរស់នៅតែម្នាក់ឯង ដោយមិនចង់បានកូន។

៥. ប្រវត្តិគ្រួសារ

ចំណែកឯអ្នកដែលធ្លាប់មានអតីតកាលជូរចត់ពីកុមារភាព អាចនឹងមិនចង់បានកូនឡើយ ដោយសារតែខ្លាចថាបញ្ហាទាំងនោះអាចនឹងធ្លាក់ទៅកូន។ ម្យ៉ាងវិញទៀត ពួកគេអាចមានអារម្មណ៍ថាខ្លួនមិនស័ក្ដិសមធ្វើជាម្ដាយដ៏ល្អម្នាក់បាន ទើបមិនចង់យកកូនតែម្ដង។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

មូលហេតុ​​​ធំ​ៗ​ ៥​យ៉ាង ធ្វើឲ្យ​​ស្រី​ៗ​មួយ​ចំនួនមិន​​ចង់​មាន​កូន!

តើ​ហេតុអ្វី​បាន​ជា​ស្ត្រី​មួយ​ចំនួន​ ជ្រើសរើស​មិន​ចង់​មាន​កូន​?​

​១. កត្តា​ការងារ​

២. កត្តា​​សេដ្ឋកិច្ច​

៣. សុខភាព​ម្ដាយ​

៤. បែបបទ​នៃ​ការ​រស់នៅ​

៥. ប្រវត្តិ​គ្រួសារ

In Case You Missed It