ថៃ៖ មួយរយៈប៉ុន្មានថ្ងៃមកនេះ ករណីនៃការបា.ត់ប.ង់ជីវិតរបស់តារាសម្ដែង Tangmo Nida ដែលបានរកឃើញសា.កស.ពនៅក្នុងទន្លេចៅប្រាយ៉ា បានធ្វើឲ្យគ្រប់គ្នាមានការតាមដានជាហូរហែរ ព្រោះពីមួយថ្ងៃទៅមួយថ្ងៃ រឿងរ៉ាវនៃការស្លា.ប់របស់នាង កាន់តែស្មុគស្មាញនិងមានអាថ៌កំបាំងជាច្រើន។ ហើយអ្វីដែលទទួលបានការចាប់អារម្មណ៍កាន់តែខ្លាំងនោះ គឺកន្លែងសម្រាកចុងក្រោយរបស់តារាស្រីរូបនេះ ឬយើងអាចហៅបានថាជាកន្លែងធ្វើបុណ្យស.ពនាងចុងក្រោយ គឺគេធ្វើតាមបែបអ្នកគោរពសាសនាគ្រិស្ដនៅក្នុងព្រះវិហារមួយ។
ជាមួយគ្នានេះដែរ រូបភាពផ្តាច់មុខជាច្រើនដែលប្រភព kenh14 បានចុះទៅថតផ្ទាល់ នៅពីមុខព្រះវិហារ Rangsit Methodist ដែលជាកន្លែងសម្រាកចុងក្រោយរបស់ Tangmo យើងឃើញថាមានសភាពស្ងប់ស្ងាត់មែនទែន។ ដែលព្រះវិហារនេះ មានទីតាំងស្ថិតក្នុងស្រុកខុងលួង ខេត្តផាធុមថានី (ផ្នែកនៃតំបន់ទីប្រជុំជនបាងកក)។ក្នុងនោះដែរ ព្រះវិហារនេះនឹងក្លាយជាកន្លែងបូជាស.ពរបស់តារាស្រីដ៏កម្សត់រូបនេះ ហើយនឹងត្រូវបូជានៅថ្ងៃទី ១៤ ខែមីនាខាងមុខ។
យ៉ាងណាមិញ គិតចាប់តាំងពីម៉ោង ៩ ព្រឹកថ្ងៃទី ២៨ ខែកុម្ភៈនេះមក ពិធីរំលឹកវិញ្ញាណក្ខន្ធផ្សេងៗក៏ត្រូវបានធ្វើឡើងពីសំណាក់សមាជិកគ្រួសារ ខណៈស.ពរបស់ Tangmo ពេលនេះនៅជាប់ធ្វើកោសល្យវិច្ច័យនៅឡើយ។ ហើយគេបានដឹងថា ពិធីបុណ្យស.ពរបស់ Tangmo Nida ក៏នឹងត្រូវធ្វើឡើងតាមពិធីសាសនាគ្រិស្ត ដូចទៅនឹង ការធ្វើពិធីបុណ្យស.ពឪពុករបស់នាងនៅទីនេះដូចគ្នាផងដែរ៕
ប្រភពនិងរូបភាព៖ kenh14
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
