អ្នកណាឲ្យទំនេរ ចេះដឹងរឿងលែងលះពេក ប្តឹ.ងមួយ

ចិន៖ ថ្មីៗនេះ នៅថ្ងៃទី ២៨ ខែកុម្ភៈកន្លងទៅ យោងតាមទំព័រ Sina បានរាយការណ៍ថា តារាសម្ដែងប្រុស លោក Nicky Wu និង ភរិយា Liu Shishi បានដាក់ពាក្យបណ្តឹងប្រឆាំងនឹងអ្នកសរសេរប្លុកម្នាក់ ពីបទផ្សព្វផ្សាយព័ត៌មានមិនពិត និងបង្ខូចកិត្តិយសរបស់ពួកគេ។ ហើយប្តីប្រពន្ធតារាប្រុសស្រីមួយគូនេះ បានផ្តល់សិទ្ធិពេញលេញដល់មេធាវីដើម្បីធ្វើការដោះស្រាយជាមួយនឹងអ្នកសរសេរប្លុករូបនោះ។

យោងតាម អ្នកតំណាងរបស់ Nicky Wu និង Liu Shishi បានឲ្យដឹងថា អ្នកសរសេរប្លុករូបនេះ បានចេញផ្សាយគំរូសៀវភៅកំប្លែងជាច្រើន ដែលមានខ្លឹមសារប្រឌិត ព្រមទាំងប្រឌិតអំពីជីវិតឯកជនរបស់ពួកគេ ថែមទៀត ដែលបានធ្វើឲ្យមានការប៉ះពាល់ដល់កេរ្តិ៍ឈ្មោះរបស់តារាសម្តែងទាំងពីរ។ ដូច្នេះហើយ ពួកគេបានសុំឱ្យ អ្នកសរសេរប្លុករូបនេះ ធ្វើការសុំទោស និងបញ្ឈប់ការឈ្លា.ន.ពា.ន លើឯកជនភាព។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ផងដែរថា កាលពីថ្ងៃទី ២៥ ខែកុម្ភៈ អ្នកសរសេរប្លុកចិនដ៏ល្បីរូបនេះ បានចែករំលែកព័ត៌មានថា ប្ដីប្រពន្ធអ្នកទាំងពីរ ដែលមានវ័យខុសគ្នាច្រើនឆ្នាំ បានលែងលះគ្នា។ ហើយបន្ទាប់ពីព័ត៌មានអវិជ្ជមានអំពីអាពាហ៍ពិពាហ៍ត្រូវបានផ្សព្វផ្សាយ អ្នកទាំងពីរក៏បានចេញមកបដិសេធ ហើយខាងប្រុសក៏បានផ្លាស់ប្តូររូបភាព Profile របស់ខ្លួនជាមួយនឹងចិញ្ចៀនអាពាហ៍ពិពាហ៍នៅលើដៃ ដើម្បីបញ្ជាក់ថាទំនាក់ទំនងរបស់លោក ជាមួយនឹងភរិយា នៅតែមានសុភមង្គល៕

ប្រភព៖ Zingnews

សូមទស្សនារូបភាពខាងក្រោម៖ 

• តារាចិន