សូមចូលរួមរំលែកទុក្ខ! ស.ពតារាកំប្លែង ចេនឡា នឹងត្រូវធ្វើបុណ្យនៅទីតាំងនេះ

តារាកម្សាន្ត៖ ជាដំណឹងមរណភាពដ៏សែនក្រៀមក្រំ និងជាដំណឹងដ៏សែនសោកស្តាយ ដែលកាលពីយប់ថ្ងៃចន្ទ ទី២៨ ខែកុម្ភ: ឆ្នាំ២០២២កន្លងទៅថ្មីៗនេះ តារាកំប្លែងនិងជាតារាសម្តែងដ៏ល្បី លោក អៀង ចេនឡា បានទទួលមរណភាពហើយ នេះបើតាមការបញ្ជាក់តាមរយ:ហ្វេសប៊ុកលោកសុខរ៉ាសុី ដែលត្រូវជាប្អូនប្រុសបង្កើតរបស់តារាប្រុសរូបនេះ។

យ៉ាងណាមិញ នាព្រឹកថ្ងៃអង្គារ៍ ទី១ ខែមិនា ឆ្នាំ២០២២នេះ យោងតាមគេហទំព័រហ្វេសប៊ុករបស់សិល្បករកម្ពុជាបានបញ្ជាក់ថាសពរបស់លោកអៀងចេនឡា និងត្រូវតម្តល់ធ្វើបុណ្យតាមប្រពៃណី នៅគេហដ្ឋាន ស្ថិតនៅភូមិព្រៃព្រីងខាងជើង សង្កាត់ចោមចៅ៣ ខណ្ឌពោធិសែនជ័យ រាជធានីភ្នំពេញ ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមបញ្ជាក់ផងដែរថា លោកអៀងចេនឡា បានទទួលមរណភាពដោយសារតែជំងឹរលាកស្រោមខួរ ដោយលោកបានធ្លាក់ខ្លួនឈឺ និងបានចូលសង្រ្គោះបន្ទាន់កាលពីពេលថ្មីៗនេះ៕

• រូបភាព
• តារាខ្មែរ