ពុទ្ធោ បើដឹងចំណូលគ្រាន់ដើរម៉ូត Cara អាចបើកភ្នែកធំៗ

បរទេស៖ យោងតាមតួលេខចុងក្រោយរបស់ សារព័ត៌មាន The Sun​ បានបង្ហាញថា តារាម៉ូដែលស្រី នាង Cara Delevingne អាចរកចំណូលបានជិត ១៣៥ លានដុល្លារ ដោយសារ កម្មវិធីបង្ហាញម៉ូដ ការផ្សាយពាណិជ្ជកម្ម ការសម្ដែងភាពយន្ត អាជីវកម្មអចលនទ្រព្យ រួមទាំងការដំណើរការក្រុមហ៊ុនផ្ទាល់ខ្លួន ។

នៅក្នុងនោះដែរ បានឲ្យដឹងទៀតថា បច្ចុប្បន្ន តារាម៉ូដែលរូបនេះ កំពុងកាន់តំណែង ជានាយកក្រុមហ៊ុនអចលនទ្រព្យ Harvey White Properties Ltd ដែលបង្កើតឡើងដោយឪពុករបស់នាង គឺលោក Charles Delevingne ។ ហើយទ្រព្យសម្បត្តិសុទ្ធរបស់នាងបានកើនឡើងយ៉ាងខ្លាំង បន្ទាប់ពីក្រុមហ៊ុនបានរាយការណ៍ថា មានការកើនឡើងរហូតដល់ ៧៦ លានដុល្លារ ក្នុងមួយឆ្នាំ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះ រូបនាងក៏មានភាគហ៊ុនជិត ៦៤លានដុល្លារ ពីក្រុមហ៊ុនផ្ទាល់ខ្លួន គឺ Cara & Co. ។ ជាពិសេស  នៅពេលដែលមាន ជំ.ងឺរាតត្បាតបានផ្ទុះឡើង ក្រុមហ៊ុន Cara & Co. នៅតែដំណើរការបានយ៉ាងល្អ និងទទួលបានប្រាក់ចំណេញខ្ទង់ ១៣,១ លានដុល្លារ ទៀតផង។

គួរបញ្ជាក់ផងដែរថា ក្នុងរយៈពេលប៉ុន្មានឆ្នាំចុងក្រោយនេះ តារាម៉ូដែលរូបនេះ តែងតែស្ថិតក្នុងបញ្ជីម៉ូដែលដែលមានប្រាក់ខែខ្ពស់បំផុត នៅលើពិភពលោក។ ខណៈដែលខាងទស្សនាវដ្ដី Forbes បានទទួលស្គាល់នាង ថាជាអ្នកមានជាងគេបំផុត នៅចក្រភពអង់គ្លេស៕

ប្រភព៖ Zingnews

សូមទស្សនារូបភាពខាងក្រោម៖ 

• តារាអន្តរជាតិ