សឹងមិនគួរឲ្យជឿ​ សាច់ឈាមដូច​ មីណា​ ធ្លាប់ឆ្លងកាត់រឿងរ៉ាវលំបាកៗ តាំងពីអាយុ១២ឆ្នាំ(មានវីដេអូ)

ភ្នំពេញ៖ ពិតណាស់ តារាស្រីវ័យក្មេងជា Dancer ក៏ជាតារាចម្រៀង កញ្ញា មីណា សព្វថ្ងៃកំពុងតែទទួលបានប្រជាប្រិយភាពខ្លាំងគួរឲ្យកត់សម្គាល់ បើទោះបីជានាងទើបតែប្រឡូកក្នុងវិសិល្បៈក៏ពិតមែន ប៉ុន្តែដោយសារតែទេពកោសល្យ​ និងរូបសម្រស់ដ៏ស្រស់ស្អាតដូចកូរ៉េដូច្នេះ ធ្វើឲ្យ មីណា មានភាពល្បីល្បាញយ៉ាងឆាប់រហ័ស។

យ៉ាងណាមិញ បើងាកមកមើលពីជីវប្រវត្តិតស៊ូរបស់ តារាស្រីរូបនេះវិញ សឹងតែមិនគួរឲ្យជឿថា មីណា ធ្លាប់ឆ្លងកាត់ជីវិតតស៊ូតាំងពីក្មេង ចេញធ្វើការរកស៊ីតាំងពីអាយុ១២ឆ្នាំ ទាំងដែរសាច់ឈាមនាងមើលទៅមិនសមថាជាគ្រួសារអ្នកមិនធូរធាសោះ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង ក្នុងកម្មវិធី ផ្ទះអ្នកជិតខាង មីណា បានទម្លាយប្រវត្តិតស៊ូរបស់ខ្លួនថា នាងធ្លាប់បានចេញធ្វើការតាំងពីក្មេងអាយុ១២ឆ្នាំ ថែមទាំងធ្វើការមួយថ្ងៃ៣វេនឯណោះ រកតែពេលសម្រាកគ្មាន ថែមទាំងធ្វើទាំងយប់ ចូលម៉ោង១១ ចេញម៉ោង៥ទាបភ្លឺ ទាំងដែលខ្លួនជាក្មេងស្រីអាយុជាង១០ឆ្នាំប៉ុណ្ណឹងសោះ។ ក្រោយមកនាង ក៏ចាប់ផ្តើមចូលហាត់រាំ រហូតមានអ្នកមើលឃើញ ក៏ហៅរាំក្នុងកម្មវិធិម្ដងៗ រហូតដល់គេឯងស្គាល់មកដល់សព្វថ្ងៃ៕

សូមទស្សនារូបភាព និងជូនវីដេអូខាងក្រោម៖

• តារាខ្មែរ