អាចទេដោយសារមរតក ទើប Gatick មិនព្រមនិយាយរឿងពិត? នេះជារឿងនៅពីក្រោយ

តារាកម្សាន្ត៖ កាលពីពេលថ្មីៗកន្លងទៅនេះ មហាជន និងអ្នកតាមដានព័ត៌មានអំពីមរណភាពរបស់តារាស្រីថៃ Tangmo Nida បានផ្ទុះការភ្ញាក់ផ្អើល និងមានមន្ទិលសង្ស័យយ៉ាងខ្លាំង ជុំវិញរឿងរ៉ាវដែលគួរឲ្យសង្ស័យអំពីអ្នកចាត់ការGatick ចំពោះមូលហេតុដែលនៅពីក្រោយខ្នង ក្រោយពេលដែលស្ត្រីរូបនេះ​ បានផ្តល់បទសម្ភាសន៍ទាំងពាក់ម៉ាស និងពាក់វែនតា ដោយមានអ្នកខ្លះបានចោទជាសំនួរថាតើ អ្នកចាត់ការរូបនេះ មានទាក់ទងទៅនឹងការស្លាប់របស់Tangmoដ៏ឬទេ ខណ:ដែលមានសាធារណ:មតិខ្លះលើកឡើងថា ទ្រព្យសម្បត្តិនឹងធ្លាក់ទៅកូននាង បន្ទាប់ពីតេងម៉ូស្លាប់។

យ៉ាងណាមិញ ភ្លាមៗនោះ មានប្រភពព័ត៌មានអំពីមិត្តភក្តិក៏ដូចជាបណ្តាអ្នកស្គាលTangmo ជាច្រើនបានអះអាងថា Tangmo បានទិញធានារ៉ាប់រ៉ងការពារជីវិតមួយដែលមានតម្លៃមួយលានបាតពីកម្មវិធីមួយ ដោយតារាស្រីរូបនេះបានដាក់ឈ្មោះ Easter ដែលនាងចាត់ទុកដូចជាកូនចិញ្ចឹមនិងជាកូនស្រីបង្កើតរបស់Gatick ដោយគេជឿថាពេលដែលនាងទទួលមរណភាពទ្រព្យសម្បត្តិ និងលុយធានារ៉ាប់រងនេះនឹងធ្លាក់ទៅលើកូនស្រីរបស់Gatick ជាក់ជាមិនខាន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែទោះជាយ៉ាងណាក៏ដោយនាពេលបច្ចុប្បន្ននេះ សមត្ថកិច្ចនិងក្រុមជំនាញបាននឹងកំពុងតែបន្តស៊ើបអង្កេតជុំវិញរឿងនេះ ស្របពេលដែលមហាជន និងអ្នកតាមដានព័ត៌មានសង្គមថៃជាច្រើនបានធ្វើការអំពាវនាវឲ្យមានការរកយុត្តិធម៌ឲ្យTangmo ឲ្យបានឆាប់រហ័ស៕

• រូបភាព
• តារាថៃ