មើលរូបភាពខាងក្រៅនេះ បានដឹងថា Nicky Wu មើលថែប្រពន្ធល្អប៉ុណ្ណា

ចិន៖ បន្ទាប់ពីមានចចាមអារ៉ាម​ថា គូស្វាមីភរិយា តារាស្រី Liu Shishi និង លោក Nicky Wu បាន​លែងលះ​គ្នា​ភ្លាមៗ​ ដែលធ្វើឲ្យអ្នកគាំទ្រមានការព្រួយបារម្ភនោះ ស្រាប់តែលោក Nicky Wu បានចេញមក​បដិសេធ​ចំពោះ​ពាក្យ​ចចាម​អារ៉ាម​នេះ ព្រមទាំងបានបញ្ជាក់ថា ​លោក និង​ភរិយា ​នៅ​តែ​មាន​សុភមង្គលជានិច្ច។

ជាមួយគ្នានេះ ដោយយោងតាម ទំព័រ Sina ស្រាប់តែមានការចែករំលែករូបភាពពីអ្នកលេងអ៊ីនធើណេតម្នាក់ ដោយនៅក្នុងនោះគឺជារូបភាពដ៏គួឲ្យចាប់អារម្មណ៍មួយ ទៅលើសកម្មភាពរបស់ប្ដីប្រពន្ធ លោក Nicky Wu និង Liu Shishi ខណៈដែលអ្នកទាំងពីរ បានទៅហាងកាហ្វេដ៏ល្បីមួយក្នុងទីក្រុងសៀងហៃ ​ដោយជំនួយការនោះទេ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ហើយអ្វី​ដែល​គួរ​ឲ្យ​កត់​សម្គាល់នោះគឺ  រូបភាពទាំងនោះ បានបង្ហាញពី​សកម្មភាពដ៏​ផ្អែមល្ហែម​របស់ លោក Nicky Wu នៅពេលដែលប្រពន្ធរបស់ខ្លួន កំពុងតែរវល់​ពាក់​អាវ ហើយរូបលោកក៏បាន​ព្យាយាម​បិទបាំង និង​ជួយ​ប្រពន្ធ​ពាក់​អាវទៀតផង ។ ក្រៅ​ពី​នេះ អ្នក​គាំទ្រ ថែមទាំងបានឃើញចិញ្ចៀន​រៀបការ​នៅ​លើ​ម្រាម​ដៃ​របស់​តារា​សម្ដែងប្រុសរូបនេះផង​ដែរ។

យ៉ាងណាមិញ តាមរយៈនេះ អាចបញ្ជាក់ឲ្យឃើញថា ជីវិតអាពាហ៍ពិពាហ៍របស់ប្ដីប្រពន្ធមួយគូនេះ នៅតែមានភាពសុខសាន្ត និងសុភមង្គលជាខ្លាំង គ្មានការផិ.តក្ប.ត់ លែងលះគ្នា ដូចពាក្យចចាមអារ៉ាម ដែលផ្សព្វផ្សាយនៅលើបណ្តាញសង្គមឡើយ៕

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន