ក្រុមហ៊ុនអឺបេនលែន (Urbanland) បន្តចាប់ដៃគូជាមួយធនាគារដើម្បីផ្តល់ប្រាក់កម្ចីទិញផ្ទះដែលមានតម្លៃដល់ទៅ 100% និងអត្រាការប្រាក់កាន់តែប្រសើររហូតដល់ 4.39%

ភ្នំពេញ៖ ក្រុមហ៊ុន អឺបេនលែន (Urbanland) ដែលជាក្រុមហ៊ុនអភិវឌ្ឍន៍អចលនទ្រព្យ ដែលជាប់ជ័យលាភីក្នុងស្រុក និងជាសមាជិកមួយនៃ សម្ព័ន្ធក្រុមហ៊ុន ISI GROUP បានចុះហត្ថលេខាលើអនុស្សរណ:នៃការយោគយល់គ្នាជាមួយ ធនាគារ សុីអាយអិមប៊ី ភីអិលសុី (CIMB Bank) សារជាថ្មី និងថ្មីមួយជាមួយធនាគារ ចិន (Bank of China) សម្រាប់គម្រោងបុរីរបស់ក្រុមហ៊ុនគឺ គម្រោងបុរីចន្ទគីរី ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការសហការជាមួយធនាគារ សុីអាយអិមប៊ី ភីអិលសុី (CIMB Bank) នេះ នឹងផ្តល់ជូនអតិថិជនរបស់បុរីចន្ទគីរីនូវទំហំទឹកប្រាក់កម្ចីទិញផ្ទះរហូតដល់ 100% ដែលកន្លងមកអតិថជនទទួលបានតែ 80% ប៉ុណ្ណោះ។ ហើយតាមរយៈធនាគារចិន (Bank of China) វិញ អតិថិជននឹងអាចទទួលបានអត្រា

ការប្រាក់កម្ចីទិញផ្ទះកាន់តែប្រសើររហូតដល់​​ 4.39% ក្នុងឆ្នាំទីមួយ។

ធនាគារ ចិន (Bank of China) បានក្លាយជាដៃគូសហការថ្មីមួយក្នុងចំណោមដៃគូបីផ្សេងទៀតរបស់គម្រោងបុរីចន្ទគីរី ដែលរួមមានធនាគារ ប្រេដ (BRED Bank) ធនាគារ សុីអាយអិមប៊ី ភីអិលសុី (CIMB Bank) និងធនាគារ ជេ ត្រាស់ រ៉ូយ៉ាល់ (J Trust Royal Bank)។ អតិថិជនរបស់បុរី នឹងទទួលបាននូវប្រាក់កម្ចីទិញផ្ទះកាន់តែមានភាពងាយស្រួល និងរហ័សជាងមុនតាមរយៈធនាគារទាំងអស់នេះ។

ការចុះហត្ថលេខាលើអនុស្សរណ:នៃការយោគយល់គ្នានេះ ត្រូវបានប្រារព្ធធ្វើឡើងនៅការិយាល័យលក់នៃបុរីចន្ទគីរី ក្រោមអធិបតីភាព លោក កាំង ឡេង អគ្គនាយកសម្ព័ន្ធក្រុមហ៊ុន ISI GROUP, លោក កាំង​ ហុក អគ្គនាយកប្រតិបត្តិនៃក្រុមហ៊ុនអឺបេនលែន (Urbanland), លោកស្រី ឌៀប លីដា នាយកផ្នែកហិរញ្ញវត្ថុនៃក្រុមហ៊ុនអឺបេនលែន (Urbanland) និងអ្នកតំណាងប្រចាំធនាគារដៃគូទាំងពីរ រួមមាន លោកស្រី ប៉ិច សុម៉ាលី នាយិកាសេវាកម្មហិរញ្ញវត្ថុបុគ្គលនៃធនាគារ សុីអាយអិមប៊ី ភីអិលសុី និង លោក Liu Zheng ជំនួយការ នាយកប្រចាំប្រទេស នៃធនាគារចិន។

លោក កាំង ហុក អគ្គនាយកប្រតិបត្តិនៃក្រុមហ៊ុន អឺបេនលែន (Urbanland) បានមានប្រសាសន៍ថា÷

បុរីចន្ទគីរី មានទីតាំងនៅលើបណ្តោយផ្លូវជាតិលេខ 2​ ចម្ងាយប្រមាណ 5​ នាទីពី មហាវិថីសម្តេច តេជោ ហ៊ុនសែន ជិតផ្សារទំនើប អុីអន 3។ គម្រោងបុរីចន្ទគីរី គឺជាគម្រោងអភិវឌ្ឍន៍បុរីដំបូងបង្អស់របស់ក្រុមហ៊ុន អឺបេនលែន (Urbanland) ដែលនាំមកជូននូវ​ ការរចនាផ្ទះដែលផ្តោតលើតម្រូវការអ្នករស់នៅ ពិតប្រាកដ។

គម្រោង បុរីចន្ទគីរី បង្ហាញនូវគំនិតរចនាប្លង់គម្រោងបុរីថ្មីមួយ ដែលផ្តោតលើតម្រូវការរបស់មនុស្ស។​ ក្រោយពីចំណាយពេលអស់រយ:ពេលជាង 2 ឆ្នាំ ដើម្បីសិក្សាស្វែងយល់ពីផ្ទះក្នុងក្តីស្រមៃរបស់អ្នករស់នៅទីក្រុងភ្នំពេញ ក្រុមហ៊ុនបានបញ្ចូលនូវរបកគំហើញថ្មីនេះទៅក្នុងប្លង់មេ និងការរចនាផ្ទះនីមួយៗរបស់បុរី ដើម្បីបង្កើតទៅជាលំនៅដ្ឋាន និងបរិក្ខារដែលអាចបំពេញមុខងារចាំបាច់តាមតម្រូវការរបស់អ្នករស់នៅ និងមានទាំងសោភណ្ឌភាព ការផ្សារភ្ជាប់ជាមួយធម្មជាតិ និងការផ្សារភ្ជាប់ជាមួយសហគមន៍ដ៏ជិតស្និទ្ធ ហើយមានលក្ខណ:ខុសប្លែកពីគម្រោងបុរីដទៃផងដែរ។​

បន្ទាប់ការបើកលក់គម្រោងប្លុកថ្មីរបស់បុរី ដែលយកចិត្តទុកដាក់លើការរស់នៅជាសហគមន៍ និងការរស់នៅដែលពោរពេញដោយធម្មជាតិ អ្នករស់នៅនឹងទទួលបានភាពកក់ក្តៅតាមរយៈការប្រើប្រាស់បរិក្ខារកាន់តែសម្បូរបែប ដែលមានដូចជាសាលាតែ អាងទឹកឆ្លុះ វាលស្មៅ ទីធ្លាតាំងសមាធិ និងសាលហាត់យោហ្គាជាដើម។ បរិក្ខារទាំងនេះនឹងផ្តល់នូវភាពងាយស្រួល និងបរិយាកាសរស់នៅដែលស្ងប់ស្ងាត់មួយសម្រាប់អ្នករស់នៅក្នុងបុរីទាំងមូល និងល្អឥតខ្ចោះសម្រាប់ការរស់នៅជាលក្ខណៈគ្រួសារដែលមានសមាជិកច្រើន។

សម្រាប់អ្នកដែលមានបំណងស្វែងរកផ្ទះក្នុងក្តីស្រមៃ សូមអញ្ជើញមកទស្សនាផ្ទះគំរូនៃបុរីចន្ទគីរី ឬទំនាក់ទំនងមកលេខទូរសព្ទ÷ 061 888 580 / 015 588 580​ ដើម្បីសាកសួរពត៌មានបន្ថែម។

អំពីក្រុមហ៊ុន អឺបេនលែន (Urbanland)

ក្រុមហ៊ុន Urbanland ​ គឺជាក្រុមហ៊ុនអភិវឌ្ឍន៍អចលនទ្រព្យក្នុងស្រុកមួយ ដែលមានគោលដៅ​បង្កើតកន្លែង ដែលមានភាពច្នៃប្រឌិតខ្ពស់ ដើម្បីឲ្យគ្រប់គ្នារស់នៅ ធ្វើការ និង កម្សាន្ដ ជាមួយការប្ដេជ្ញាទៅលើ គុណភាព ភាពឋិតថេរ និងភាពផ្ចិតផ្ចង់។​ ក្រុមហ៊ុន Urbanland បានបង្កើតឡើងនៅឆ្នាំ ២០១៣ ដោយលោកស្ថាបត្យករ កាំង ហុក ដោយលោកជឿជាក់ថា ការផ្ដោតលើតម្រូវការអ្នករស់នៅជាចម្បង គឺជាយុទ្ធសាស្រ្តដ៏ល្អដើម្បីជួយលើកកម្ពស់ គុណភាព រស់នៅរបស់ពួកគេ និងបង្កើតនូវបរិយាកាសដែលមានផាសុកភាពជាងមុន។ 

ក្រុមហ៊ុន Urbanland ក៏ជាសមាជិកមួយនៃសហព័ន្ធក្រុមហ៊ុន ISI GROUP ដែលជាក្រុមហ៊ុនក្នុង ស្រុកខ្នាតធំមួយដែលមានបទពិសោធន៍រហូតដល់២២ឆ្នាំនៅក្នុងវិស័យសំណង់។ ក្រុមហ៊ុន Urbanland ត្រូវបានទទួលស្គាល់តាមរយៈការបង្កើតនូវគម្រោង ប្រណីតៗពោរពេញដោយភាពច្នៃប្រឌិតដោយ ប្រើប្រាស់នូវការរចនាផ្ដោតលើតម្រូវការអ្នករស់នៅជាចម្បងដែលឆ្លុះបញ្ចាំងតាមរយៈគម្រោងអភិវឌ្ឍន៍ដែលជាប់ជ័យលាភីរួមមាន Raintree (អគារការិយាល័យ និងពាណិជ្ជកម្ម), Embassy Residences and Embassy Central (ខុនដូបែបប្រណីត) និងសណ្ឋាគាររចនាម៉ូដបែបប្រណីតដំបូង គេនៅក្រុងសៀមរាប Treeline Urban Resort និង គម្រោងអភិវឌ្ឍន៍ដំបូងគេមួយទៀតនៅតំបន់វេង ស្រេងគឺ KMH Park ដែលជាផែនការធំថ្មី ដែលបូកបញ្ចូល អគារការិយាល័យ ហាងលក់ទំនិញ លំនៅឋាន និងសួនលម្ហែកាយបែបធម្មជាតិដែលក្នុងនោះក៏មានផ្សារទំនើប ខេ ម៉ល (K Mall) និងអគារពាណិជ្ជកម្ម អាយ​ អេស អាយ (ISI Tower) ផងដែរ។ 

បុរី ចន្ទគីរី គឺជាគម្រោងបុរីលំនៅឋានថ្មីមួយដែលជាជោគជ័យធំមួយទៀត របស់ក្រុមហ៊ុន Urbanland ក្នុងការរួមចំណែកលើកស្ទួយគុណភាពនៃវិស័យបុរីនៅកម្ពុជា។