ពីសង្សារក្លាយជាមិត្តមានអីមិនល្អ មើលគូToey និង Alex ឡើងស្និទ្ធខ្លាំង

ថៃ៖ គឺជាចំណងមិត្តភាពដ៏ស្និទ្ធស្នាលមួយ រវាងតារាសម្ដែងប្រុសស្រី នាង Toey Jarinporn និង លោក Alex Rendell ដែលបច្ចុប្បន្ននេះ អ្នកទាំងពីរនៅតែរាប់អានគ្នាជាមិត្តភក្តិ និងគាំទ្រគ្នាទៅវិញទៅមកយ៉ាងខ្លាំង បើទោះបីជាអតីតកាលពីមុន អ្នកទាំងពីរធ្លាប់ជាគូស្នេហ៍នឹងគ្នាក៏ដោយ។ 

មិនត្រឹមតែប៉ុណ្ណោះ ថ្មីៗនេះ តារាប្រុសស្រីទាំងពីររូបនេះ ក៏បានបង្ហាញខ្លួនជាមួយគ្នាសាជាថ្មី ដោយបានចូលរួមធ្វើការងារ ក៏ដូចជាសកម្មភាពរួមគ្នាជួយដល់បរិស្ថាន ព្រមទាំងបាន​ជួយ​អប់រំ​គ្នា​ទៅ​វិញ​ទៅ​មក​ អំពី​ធម្មជាតិ​យ៉ាងសប្បាយ ទៀតផង។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាពិសេស នៅក្នុងនោះ លោក Alex ថែមទាំងបានបង្ហោះរូបភាពជាមួយនឹង Toey ដែលបានបញ្ចេញសកម្មភាពដ៏ស្និទ្ធស្នាល ព្រមទាំងអាចបញ្ជាក់បានថា មិត្តភាព​រវាង​អ្នក​ទាំង​ពីរ ​គឺ​ពិតគួរ​ឱ្យ​ស្រលាញ់​បំផុត ខណៈដែលអ្នកគាំទ្រជាច្រើន បានចូលមកបង្ហាញពីការពេញចិត្តចំពោះទំនាក់ទំនងយ៉ាងល្អរបស់អ្នកទាំងពីរគ្រប់ៗគ្នា៕

ប្រភព៖ Sanook

សូមទស្សនារូបភាពខាងក្រោម៖ 

• តារាថៃ