ថ្មីទៀតហើយ! រុស្ស៊ី ត្រៀមដាក់ពង្រាយ ទាហានស៊ីឈ្នួលទៅកាន់អ៊ុយក្រែន

រុស្សុី៖ កាលពីពេលថ្មីៗកន្លងទៅនេះ យោងតាមប្រភពពីសារព័ត៌មានCNN បានឲ្យដឹងថា រុស្ស៊ីបានត្រៀមដាក់ពង្រាយទាហានស៊ីឈ្នួលរហូតដល់ ១០០០ នាក់បន្ថែមទៀតទៅកាន់ប្រទេសអ៊ុយក្រែន ក្នុងពេលខាងមុខនេះ ខណៈដែលមន្ត្រីស៊ើបការណ៍សម្ងាត់ លោកខាងលិចបានព្រមានថាទីក្រុងមូស្គូអាច វាយលុកយកទីក្រុងរបស់ប្រទេសអ៊ុយក្រែនជាបន្តបន្ទាប់។

សូមបញ្ជាក់ផងដែរថា ទាហានសុីឈ្នួលដែលរុស្សុីត្រៀមដាក់ពង្រាយទៅកាន់ប្រទេសអ៊ុយក្រែននេះមិនមែនជាក្រុមទាហានរុស្សុីទេ ប៉ុន្តែជាទាហានមកពីបណ្តាប្រទេសនានាដែលរុស្សុីបានផ្តល់ប្រាក់កម្រៃចំពោះការងាររបស់ពួកគេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ គិតមកត្រឹមថ្ងៃសៅរ៍ ទី៥ ខែមីនា ឆ្នាំ២០២២នេះ សង្រ្គាមរវាងប្រទេសរុស្សុីនិងអ៊ុយក្រែនមានរយ:ពេលជាង១០ថ្ងៃហើយ ដោយបានបំផ្លាញហេដ្ឋារចនាសម្ព័ន្ធ ព្រមទាំងបានសម្លាប់ជីវិតប្រជាជនសុីវិល និងទាហានរាប់ពាន់នាក់ថែមទៀតផង៕

• រូបភាព