បែកគ្នាយូរដែរហើយ! តែ Camila Cabello រំលឹករឿង Ex ដោយថា...

បរទេស៖ ត្រលប់ទៅខែវិច្ឆិកា ឆ្នាំ ២០២១ តារាចម្រៀងល្បី Camila Cabello និង Shawn Mendes បានប្រកាសជាសាធារណៈថា ពួកគេទាំងពីរបានដើរផ្លូវដាច់ដោយឡែកពីគ្នា បន្ទាប់ពីរស់នៅជាមួយគ្នាអស់រយៈពេល ២ ឆ្នាំ។

ក្នុងនោះផងដែរ Elle បានរាយការណ៍ថានៅក្នុងបទសម្ភាសន៍ថ្មី ៗ ដែល Camila បានចែករំលែកជាលើកដំបូងថាហេតុអ្វីបានជាអ្នកទាំងពីរបែកបាក់គ្នា ដោយ តារា​ចម្រៀង​រូប​នេះ​ជឿជាក់​ថា​ការ​ផ្លាស់​ប្តូរ​ចាប់យកអាជីព ​បាន​ធ្វើ​ឲ្យ​អ្នក​ទាំង​ពីរ​បែក​គ្នា ​អស់អារម្មណ៍នឹងគ្នារៀងៗខ្លួន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ តារាស្រីរូបនេះ បានលើកឡើងថា នាងបានផ្លាស់ប្តូរ ហើយគោលដៅជីវិតរបស់នាង ក៏បានផ្លាស់ប្តូរដែរ។ ក្នុងរយៈពេលប៉ុន្មានឆ្នាំ ដែលពួកគេបានទាក់ទងគ្នា នាងបានលើកឡើងថា មិនមានអារម្មណ៍ សូម្បីតែពេលដែលនិពន្ធតន្ត្រី ឬក៏ធ្វើបទចម្រៀង ហើយឥឡូវនេះ នាងចង់ផ្តោតលើខ្លួននាង ជាងរឿងស្នេហាជាង។

យ៉ាងណាមិញ នេះជាលើកទីមួយ ដែលតារាចម្រៀងរូបនេះបានបើកចំហរអំពីទំនាក់ទំនងស្នេហារបស់នាងជាមួយ Shawn Mendes ក្រោយអ្នកទាំងពីរ បានជ្រើសរើស ដើរផ្លូវរៀងខ្លួន ក្រោយទំនាក់ទំនងពួកគេបានបញ្ចប់កាលពីឆ្នាំទៅ៕

ប្រភព៖ https://zingnews.vn/

សូមទស្សនារូបភាពខាងក្រោម៖

• តារាអន្តរជាតិ