សិល្បៈកម្សាន្តហុងកុង កំពុងរងការខាតបង់យ៉ាងខ្លាំង ដោយសារតែ...

ហុងកុង៖ កាលពីថ្ងៃទី ៧ ខែមីនាកន្លងទៅ យោងតាមប្រភព HK01 បានបង្ហាញថា ឧស្សាហកម្មកម្សាន្តហុងកុង កំពុងតែស្ថិតក្នុងស្ថានភាពប្រកាសអាសន្ន នៅពេលដែលសកម្មភាពមួយចំនួន ត្រូវបានរារាំងជាបន្តបន្ទាប់ ដោយសារតែការរីករាលដាលនៃជំ.ងឺកូវីដ១៩។ 

មិនត្រឹមតែប៉ុណ្ណោះ តាមប្រភពដដែលនេះ បានបង្ហាញទៀតថា ក្រុមហ៊ុនសិល្បៈកម្សាន្ត ស្ទូឌីយោភាពយន្ត និងរោងភាពយន្ត នៅក្នុងទីក្រុងហុងកុង កំពុងប្រឈមមុខនឹងបញ្ហា ព្រោះតែសិល្បករ​ជាច្រើន បាន​ប្រកាស​ថា ​ពួកគេ​បាន​ឆ្លង​មេ.រោ.គ​ ដែល​ធ្វើ​ឱ្យ​កម្មវិធី ​តន្ត្រី​ និង​ភាពយន្ត ​ត្រូវ​បាន​លុប​ចោល ​ក្នុង​រយៈពេល​ ៣ ខែ​កន្លង​ទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក នៅដើមខែមីនានេះ រោងកុនធំជាងគេចំនួនពីរ នៅក្នុងទីក្រុងហុងកុង បានប្រកាសបិទក្នុងរយៈពេល ៤ថ្ងៃ។ ហើយដើម្បីឆ្លើយតបទៅនឹងប្រព័ន្ធផ្សព្វផ្សាយ ខាងប្រធានសភាពាណិជ្ជកម្មភាពយន្ត បានសម្តែងការព្រួយបារម្ភ អំពីការដួ.ល.រ.លំ. នៃឧស្សាហកម្មភាពយន្តរបស់ហុងកុង បន្ទាប់ពីមានជំ.ងឺ.រា.ត.ត្បា.ត។ ខណៈក្នុងរយៈពេល ៣ ឆ្នាំមកនេះ រោងកុនចំនួន ១៤ នៅហុងកុង ត្រូវបានបិទ ដែលចំនួននេះ ត្រូវបានគេរំពឹងថា នឹងបន្តកើនឡើងនាពេលអនាគតខាងមុខនេះ៕

ប្រភព៖ Zingnews

សូមទស្សនារូបភាពខាងក្រោម៖