ម៉ាសការ៉ុតអាចជួយឲ្យស្បែកភ្លឺរលោង និងគ្មានស្លាកស្នាម!

ការ៉ុតមិនត្រឹមតែមានអត្ថប្រយោជន៍ខ្លាំងសម្រាប់សុខភាពភ្នែកប៉ុណ្ណោះទេ ប៉ុន្តែក៏សម្បូរទៅដោយវីតាមីន ជាតិរ៉ែ និងអុកស៊ីតកម្មដែលជាគ្រឿងផ្សំដ៏ស័ក្ដិសមសម្រាប់ការថែរក្សាស្បែកដូចគ្នា។ ម៉ាសការ៉ុតអាចជួយឲ្យស្បែកភ្លឺថ្លា និងទន់រលោងតាមបែបធម្មជាតិ ហើយយើងអាចអនុវត្តរូបមន្តនេះចំនួន ២ដងក្នុងមួយសប្ដាហ៍ ដើម្បីទទួលបានប្រសិទ្ធភាពកាន់តែប្រសើរ។

តើម៉ាសការ៉ុតមានអត្ថប្រយោជន៍អ្វីខ្លះ?

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. ជួយឲ្យស្បែកភ្លឺថ្លា

ម៉ាសការ៉ុតអាចជួយឲ្យស្បែកភ្លឺថ្លា ដោយសារតែវាផ្ទុកសារធាតុBeta carotene វីតាមីនC វីតាមីនK និងជាតិសរសៃខ្ពស់។ មួយវិញទៀត សារធាតុចិញ្ចឹមទាំងអស់នេះក៏អាចជួយឲ្យស្បែកទន់រលោង និងកម្ចាត់ចោលបញ្ហាស្បែកមួយចំនួនបានផងដែរ។

២. រារាំងការផលិតជាតិខ្លាញ់

ទន្ទឹមនឹងនេះដែរ ម៉ាសការ៉ុតអាចជួយឲ្យស្បែករបស់យើងគ្មានស្លាកស្នាម ជួយឲ្យស្បែកក្មេងជាងវ័យ និងកម្ចាត់ចោលកោសិកាងាប់របស់ស្បែក។ វីតាមីនAនៅក្នុងការ៉ុតអាចជួយកាត់បន្ថយការផលិតជាតិខ្លាញ់ដែលលើស និងរក្សាស្បែកឲ្យនៅស្រស់ថ្លា និងគ្មានជាតិពុល។ លើសពីនេះ ម៉ាសការ៉ុតអាចជួយរក្សាជាតិទឹកនៃស្បែក និងជួយកម្ចាត់បាក់តេរីលើស្បែកដែលអាចនាំឲ្យមានការបង្ករោគនៃស្បែក។

៣. ផ្ដល់សំណើមដល់ស្បែកស្ងួត

លើសពីនេះ ការ៉ុតសម្បូរទៅដោយប៉ូតាស្យូមដែលមានប្រសិទ្ធភាពខ្ពស់ក្នុងការបំបាត់ភាពស្ងួតនៃស្បែក ថែបំប៉ន ក៏ដូចជាផ្ដល់សំណើមដល់ស្បែកបានយ៉ាងល្អឥតខ្ចោះ។

៤. ការពារកម្ដៅថ្ងៃ និងពន្យារភាពចាស់

សារធាតុBeta-carotene និងCarotenoids នៅក្នុងការ៉ុត អាចការពារប្រឆាំងនឹងកាំរស្មីUVA ព្រមទាំងអាចកម្ចាត់ការរលាកដោយកម្ដៅថ្ងៃថែមទៀតផង។ មួយវិញទៀត ម៉ាសធម្មជាតិមួយប្រភេទនេះ ក៏ស័ក្តិសមសម្រាប់គ្រប់ប្រភេទស្បែក មិនថាស្បែកខ្លាញ់ ស្បែកចាស់ជ្រីវជ្រួញ ស្បែកងាយកើតមុន និងស្បែកស្ងួត ព្រមទាំងស្បែកងាយប្រតិកម្ម។

តិចនិកធ្វើម៉ាសការ៉ុត

ចំហុយការ៉ុតចំនួន២ រហូតដល់ការ៉ុតទន់
កិនការ៉ុតឲ្យម៉ត់ល្អ និងទុករហូតដល់ត្រជាក់
បន្ថែមទឹកឃ្មុំមួយស្លាបព្រាកាហ្វេ
ច្របាច់ទឹកក្រូចឆ្មារមួយចំណិត
កូរឲ្យសព្វល្អ។

វិធីសាស្ត្រប្រើប្រាស់ម៉ាសមុខ

សម្អាតមុខដោយប្រើសំឡីសើម
លាបម៉ាសការ៉ុតស្ដើងៗនៅលើមុខ
ទុកចោលមួយសន្ទុះឲ្យជិតស្ងួត សឹមលាងសម្អាតមុខចេញ
ជូតមុខឲ្យស្ងួតល្អ ទើបលាបក្រែមផ្ដល់សំណើម។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

តើ​​ម៉ាស​ការ៉ុត​មាន​អត្ថប្រយោជន៍​អ្វី​ខ្លះ​?​

១. ជួយ​ឲ្យ​ស្បែក​ភ្លឺ​ថ្លា​

២. រារាំង​ការ​ផលិត​​ជាតិ​ខ្លាញ់​​

៣. ផ្ដល់​សំណើម​ដល់​ស្បែក​ស្ងួត

៤. ការពារ​កម្ដៅ​ថ្ងៃ និង​ពន្យារ​ភាព​ចាស់​​

​តិចនិក​ធ្វើ​ម៉ាស​ការ៉ុត

វិធីសាស្ត្រ​ប្រើប្រាស់​ម៉ាស​មុខ

In Case You Missed It