របបអាហារទាំងនេះ ជួយជំរុញឲ្យថ្លើមមានសុខភាពល្អ​!

ថ្លើមជាសរីរាង្គមួយនៅក្នុងរាងកាយ ដែលដើរតួនាទីយ៉ាងសំខាន់ ជួយបង្កើតប្រូតេអ៊ីនចិញ្ចឹម បង្កើត​អង់ហ្ស៊ីម​ការពារ និង រក្សាទឹកប្រមាត់ បំបែកសារធាតុពុលទាំងឡាយដែលបានចូលទៅក្នុងរាងកាយ។ ការធ្វេស​ប្រហែស មិន​សូវយកចិត្ដទុកដាក់ថែរក្សា​ថ្លម​ អាចនាំឲ្យថ្លើមយើងជួបប្រទះបញ្ហាជំងឺផ្សេងៗជា​ច្រើន មាន ជំងឺមហា​រីក​ថ្លើម ក្រិនថ្លើម ដុះសាច់ក្នុងថ្លើម រលាកថ្លើមប្រភេទ B, C និង​ក៏អាចឈានទៅដល់ ជំងឺទឹកនោម​ផ្អែម​ប្រភេទ​ទី២។ យ៉ាងនេះហើយ ប្រសិនជាយើងមិនមានពេលវេលាគ្រប់គ្រាន់ ដើម្បីត្រួវពិនិត្យសុខភាព​ឲ្យ​បាន​ទៀងទាត់​ជាមួយគ្រូពេទ្យនោះទេ យើងក៏អាចរក្សាបាននូវទំលាប់ល្អៗ ដោយងាកមកញ៉ាំអាហារសុ​ខ​ភាព​ឲ្យបានត្រឹម​ត្រូវ​។

១. កាហ្វេ

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាហ្វេគឺជាភេសជ្ជះដ៏ល្អសម្រាប់ថ្លើម ព្រោះនៅក្នុងកាហ្វេមានផ្ទុកមកនូវសារធាតុគីមីពីរប្រភេទ ដែលគេហៅថា Kahweol និង Cafestol។ សារធាតុទាំងពីរមានអត្ថប្រយោជន៍ខ្ពស់អាចជួយ​ការពារថ្លើម​របស់​យើង ជៀសផុតពីជំងឺ មហារីកបាន។ ប៉ុន្ដែយោងតាមការណែរនាំរបស់គ្រូពេទ្យ មិនជំរុញឲ្យញ៉ាំ​កាហ្វេដែលមានជាតិស្ករខ្ពស់នោះទេ។ បន្ថែមពីនេះទៅទៀត ជាតិកាហ្វេអ៊ីនដែលមាននៅក្នុងកាហ្វេ ក៏បានចូលរួមចំណែក ជួយពន្យឺត និងកាត់បន្ថយដល់ដំណាក់កាលលូតលាស់ នៃ​ជំងឺដុះសាច់​ក្នុងថ្លើម​បានដែរ។ ដូច្នេះហើយការញ៉ាំកាហ្វេ ក៏មានក៏មានអត្ថប្រយោជន៍ដល់សុខភាពដែរ​។

២. Oatmeal

Oatmeal ជាប្រភេទអាហារ ដែលមាន​ជាតិសរសៃ​ច្រើន ​ហើយ​អាហារប្រភេទនេះក៏មានផ្ទុកមកជាមួយនូវ សារធាតុ បេតាក្លុយកូស (Beta-glucans) មានប្រយោជន៍ចំពោះ​ថ្លើម។ សារធាតុ បេតាក្លុយកូស មាន​តួនាទី ជួយដំណើរការដល់ថ្លើម បង្កើនប្រព័ន្ធភាពស៊ាំ និង ប្រយុទ្ធប្រឆាំនឹងការលាក។ មិនត្រឹមតែប៉ុណ្ណោះ ក៏ល្អសម្រាប់អ្នកមានជំងឺថ្លើម និងទឹកនោមផ្អែមទៀតផង។ បន្ថែមពីលើនេះទៅទៀត​​ សារធាតុ បេតាក្លុយកូស នៅក្នុង Oatmeal ក៏បានជួយ ព្យាបាល និងការពារ បញ្ហាជំងឺខ្លាញ់រុំថ្លើម។

៣. ខ្លាញ់ត្រី

ការញ៉ាំអាហារដែលមានជាតិខ្លាញ់ត្រី ក៏បានកាត់បន្ថយនូវការរីកលូតលាស់ ខ្លាញ់ជាប់ថ្លើម។ ដូចដែលយើងបានដឹងហើយថា ខ្លាញ់ត្រីមានផ្ទុកនូវសារធាតុសំខាន់ៗជាច្រើន ដូចជា អាស៊ីតអូមេហ្គា ៣ អាស៊ីត​កូ​សាអ៊ិច DHA អាស៊ីតអេអ៊ីកូសាប៉ង់តាអេណូអ៊ិច (EPA) ហើយក៏មានផ្ទុកមក​ជា​មួយ​​នូវ អាស៊ីតខ្លាញ់ Polyunsaturated Fatty Acids (PUFAs)​ផង ដែលអាស៊ីតប្រភេទនេះ​មាន​មុខងារ​ប្រឆាំងទៅនឹង ជំងឺខ្លាញ់រុំថ្លើមដែលមិនបណ្ដាល​មកពី​គ្រឿ​ងស្រវឹង​​។​

៤.ផ្លែ ប៊ឺរី

ការញ៉ាំ ផ្លែ ប៊ឺរី មិនថាប្រភេទ ប៊ឺរីខ្មៅ ឬ ខៀវនោះទេ សុទ្ធតែមាន​អត្ថប្រយោជន៍​ទៅដល់ថ្លើម ព្រោះថាផ្លែឈើប្រភេទនេះ បានបង្កប់មកជាមួយនូវសារធាតុ អុកស៊ីតកម្មមួយប្រភេទ ឈ្មោះថា ប៉ូលីហ្វេណុល​(Polyphenols)។ ប៉ូលីហ្វេណុល មានតួនាទីសំខាន់ជួយពង្រឹងប្រព័ន្ធភាពស៊ាំនៅក្នុងថ្លើម និង ជួយរារាំងទៅដល់​ផលប៉ះពាល់ជាប្រចាំថ្ងៃ ពីការហូបចុកចំណីអាហារ ដែលមាន​បង្កប់​លាយឡំជាមួយនឹងជាតិពុល។

៥. ផ្លែទំពាំងបាយជូ

ផ្លែទំពាំងបាយជូ ឬទឹកទំបាំងបាយជូ ក៏មានសារៈសំខាន់ទៅដល់​សុខភាពថ្លើម ព្រោះថា ផ្លែឈើនេះ មានផ្ទុកនូវ​សារធាតុ ប្រឆាំងអ៊ុកស៊ីតកម្មពីរប្រភេទ គឺ Naringin និង Naringenin ហើយសារធាតុទាំង​ពីនេះ​បាន​ជួយបង្កើតសមត្ថភាពអង់ទីករថ្លើម​ប្រឆាំងទៅនឹង ជំងឺរលាកថ្លើម និងការពារ កោសិការ​ថ្លើម​ផងដែរ។ តាមការណែនាំរបស់គ្រូពេទ្យ បានលើកឡើងថា ការញ៉ាំផ្លែទំពាំងបាយជូ ឬកិន​ទំពាំង​បាយជូទាំង សម្បក និង គ្រាប់ កាន់តែធ្វើឲ្យប្រសិទ្ធភាពផ្លែឈើនេះល្អ​ខ្លាំងទៅដល់ថ្លើម។

ក្នុងករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕ 

អត្ថបទផ្ដល់សិទ្ធិដោយ Hello Krupet