Single សប្បាយម្យ៉ាង! តារាស្រីថៃទាំងនេះ បែកសង្សារចាស់យូរហើយ នៅមិនទាន់រកអ្នកថ្មី

ថៃ៖ បើនិយាយដល់ជីវិតឯកជនក៏ដូចជា ជីវិតស្នេហារបស់តារាសម្ដែងស្រីថៃដ៏មានប្រជាប្រិយភាពទាំងប៉ុន្មាននាក់ខាងក្រោមនេះ ប្រិយមិត្តប្រហែលជានៅចាំបាន និងដឹងរួចមកហើយថា គេបានបញ្ចប់ផ្លូវស្នេហ៍ជាមួយមិត្តប្រុសរបស់ពួកគេ បើទោះបីជាបានខំចំណាយពេលស្រលាញ់គ្នាអស់ច្រើនឆ្នាំក៏ដោយ។

ជាមួយគ្នានេះដែរ ក្រោយពេលបែកបាក់គ្នា មហាជនក៏ដូចជាអ្នកគាំទ្រ នៅតែសង្កេតឃើញថាតារាស្រីទាំងនេះ ខ្លះក៏នៅតែមិនទាន់ចាប់ផ្ដើមស្នេហ៍ថ្មី ឬលេចឮដំណឹងទាក់ទងអ្នកណាម្នាក់នោះឡើយ ពោលគឺពួកគេនៅតែប្រើជីវិតនៅលីវ ខិតខំប្រឹងធ្វើការ ដោយមិនខ្វល់ខ្វាយរឿងស្នេហាសោះ៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពួកគេទាំងនោះ រួមមាន៖

១.Bella Ranee

កាលពីប៉ុន្មានខែមុន នាងបាន​បែក​បាក់​ជាមួយ​តារាប្រុស Weir Sukollawat បន្ទាប់​ពី​ទាក់ទង​គ្នារយៈ​ពេល​៩​ឆ្នាំ។ហើយក្នុង​បទ​សម្ភាសន៍​ថ្មី​ៗនេះ កំពូល​តារា​ស្រី​រូប​នេះ​និយាយ​ថា ​រវល់​ណាស់​គ្មាន​ពេល​វេលាគិតរឿងស្នេហាថ្មីទេ។

២.Baifern Pimchanok

តាំងពីដើមមក គេមិនដែលលេចឮដំណឹងតារាស្រីរូបនេះទាក់ទងស្នេហាជាមួយអ្នកណាឡើយ។ ហើយអ្នកគាំទ្រជាច្រើន តែងប្រាថ្នាចង់ឲ្យ Baifern និង Nine Naphat ក្លាយជាគូស្នេហ៍ពិតនឹងគ្នា តែយ៉ាង​ណា​មិញ តារា​សម្ដែង​រូប​នេះ​បង្ហើប​ថា នាង​និង​តារា​ប្រុសរូបនោះ ​គ្រាន់​តែ​ជា​មិត្ត​នឹង​គ្នា​ប៉ុណ្ណោះ។

៣.Thisa Varitthisa

បន្ទាប់ពីនាងបែកគ្នាជាមួយមិត្តប្រុស Napat Injaiuea នាងនៅបន្តនៅលីវអស់រយៈពេលជាច្រើនឆ្នាំមកហើយ។ហើយពេលនេះដែរ អ្នកគាំទ្រជាច្រើន កំពុងនាំគ្នាផ្គូរផ្គងនាងជាមួយតារាប្រុសសង្ហា Mik Thongraya ឲ្យធ្វើជាគូស្នេហ៍ពិត។

៤.Toey Jarinporn

នាងបាន​បែក​បាក់​ជាមួយតារាសម្ដែងប្រុស Alek Teeradetch នៅ​ពាក់​កណ្តាល​ឆ្នាំ ២០២០។ ហើយក្រោយមកទៀត តារា​ស្រី​រូប​នេះ​​បន្តនៅ​លីវរហូតដល់បច្ចុប្បន្ន។

ប្រភព៖ Thai Update

• រូបភាព
• តារាថៃ