ទីបំផុត TOP ក្រុម BIGBANG ត្រលប់មកវិញនៅលើក្របទស្សនាវដ្ដី ក្រោយរយៈពេល ៥ឆ្នាំ

កូរ៉េខាងត្បូង៖​ បើ​មិន​និយាយ​ពី​រឿង​អាស្រូវ​ជីវិត​ឯកជន​ទេ TOP ក្រុម BIGBANG ពិត​ជា​ជា Idol ពេញ​និយម​បំផុត​ក្នុង K-pop ជំនាន់​ទី​២ ដែលរូបលោកមិនត្រឹមតែល្បីខាងសមត្ថភាពរ៉េប ការបង្ហាញលើឆាកដ៏ទាក់ទាញប៉ុណ្ណោះទេ ថែមទាំងអាចបំភ្លេចបានជាមួយនឹងរូបរាងខ្ពស់ មុខសង្ហាផងដែរ។

បន្ទាប់ពីការប្រកាសពី YG Entertainment តារាប្រុសរូបនេះហាក់ដូចជា «បាត់ខ្លួន» កម្របង្ហាញមុខជាសាធារណៈណាស់។ រហូត​មក​ដល់​ថ្ងៃ​ទី ៩ មីនា អ្នក​គាំទ្រ​​ត្រេកអរ​ខ្លាំងតែម្តង​ T.O.P ត្រឡប់​មក​កាន់​ក្រប​ទស្សនាវដ្ដី​វិញ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នេះក៏ជាការបង្ហាញខ្លួនលើកដំបូងរបស់លោកនៅលើទំព័រមុខនៃទស្សនាវដ្តីបន្ទាប់ពីស្ងប់ស្ងាត់អស់រយៈពេល ៥ ឆ្នាំដោយសារតែរឿងអាស្រូវកញ្ឆា។ ជាតារាប្រុសល្បីរបស់ Kpop បុរសសង្ហាកើតឆ្នាំ ១៩៨៧ លេងម៉ូដសក់ពណ៌ប្រផេះប្លាទីន រំលេចទម្រង់មុខរាងជ្រុងស្រួច ជាពិសេសមុំល្អឥតខ្ចោះដូចរូបចម្លាក់របស់លោកតែម្តង។

យ៉ាងណាមិញ ទោះកន្លងទៅផុតយូរឆ្នាំមកហើយ សម្រស់របស់ TOP កាន់តែមានភាពទាក់ទាញ ពីមួយថ្ងៃ ទៅមួយថ្ងៃ ដែលត្រូវបានដឹងថា រូបលោក ជាកំពូល​តារា​ប្រុស​ Kpop ជំនាន់​មុន​ នៅ​តែ​សង្ហាដដែល ​រហូត​ធ្វើ​ឱ្យ​អ្នក​គាំទ្រ​សម័យ​នេះ​នៅតែលង់​ស្នេហ៍ នឹងមន្តស្នេហ៍របស់លោក៕

ប្រភព​៖ kenh14.vn

សូមទស្សនារូបភាពខាងក្រោម៖

• តារាកូរ៉េ