មិនប្លែកដែលមានអ្នកតាមស្រលាញ់ បើសម្រស់ សាន់ឆាយ កាលពីមុនឡើងស្អាតម្លឹងៗ

តៃវ៉ាន់៖ ក្នុងរយៈពេលប៉ុន្មានថ្ងៃកន្លងទៅនេះ ព័ត៌មានពីការរៀបការថ្មីរបស់ តារាស្រី Barbie Hsu បានធ្វើឲ្យមានការភ្ញាក់ផ្អើលយ៉ាងខ្លាំង ទៅដល់ទស្សនិកជនជាច្រើន ដោយការសម្រេចចិត្តមួយនេះ គឺបានធ្វើឡើងបន្ទាប់ពីបានលែងលះជាមួយនឹងអតីតស្វាមី ជិត ៤ខែ តែប៉ុណ្ណោះ។

យ៉ាងណាមិញ ក្រោយពីមានរឿងបែបនេះ រាល់សកម្មភាពរបស់នាង ហាក់ដូចជាបានទាញយកចំណាប់អារម្មណ៍ពីអ្នកគាំទ្រជាច្រើន រហូតដល់មានការគាស់កកាយមើលពីរូបភាពរបស់នាង កាលពីមុនៗថែមទៀត។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងនោះ អ្នកសរសេរប្លុកដ៏ល្បីម្នាក់ បានចែករំលែករូបភាពជាច្រើនសន្លឹករបស់ Barbie Hsu កាលពីច្រើនឆ្នាំមុន ហើយរូបសម្រស់ដែលបានបង្ហាញឡើង ពិតជាធ្វើឲ្យមហាជនភ្ញាក់ផ្អើល​ និងកោតសរសើរ ពីភាពទាក់ទាញ ទាំងមុខមាត់ និងរូបរាងរបស់នាង ទៀតផង។

ជាពិសេស ចាប់តាំងពីបានចូលប្រឡូកក្នុងវិស័យសិល្បៈមក Barbie Hsu គឺជា​តារាស្រីដែលមានរូបសម្រស់ស្រស់សោភា និងស្នាមញញឹមដ៏មានមន្តស្នេហ៍ ដែលនេះគឺជាហេតុផលមួយ ធ្វើបុគ្គលល្បីៗធ្លាក់ក្នុងអន្លង់ស្នេហ៍ដូចជា អតីតស្វាមីរបស់នាង លោក Wang Xiaofei ព្រមទាំង គូស្នេហាថ្មី លោក DJ Koo ដែលបានជាប់ចិត្តនឹងនាង អស់រយៈពេលជាង ២០ ឆ្នាំមកហើយ ៕

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន