សម្រាប់អ្នកធ្លាប់ឆ្លងកូវីដ! ក្រោយជាតើអាចប្រឈមបញ្ហាបេះដូងបែបណា?

កូវីដ-១៩ជាប្រភេទជំងឺផ្លូវដង្ហើមធ្ងន់ធ្ងរមួយ ប៉ុន្តែវាមិនត្រឹមតែប៉ះពាល់ដល់សួតប៉ុណ្ណោះទេ វីរុសនេះអាចបង្កគ្រោះថ្នាក់លើសពីអ្វីដែលយើងគិតទុកទៅទៀត។ ទោះបីយើងជាសះស្បើយពីកូវីដ-១៩ហើយយ៉ាងណាក្ដី យើងអាចនឹងជួបប្រទះផលវិបាកផ្សេងៗ តួយ៉ាងដូចជាបញ្ហាបេះដូងក្រោយជាសះស្បើយពីកូវីដ-១៩ជាដើម។ ពិតណាស់ ជំងឺរាតត្បាតនេះប៉ះពាល់ដល់ផ្នែកជាច្រើននៃរាងកាយរបស់យើង ហើយវាក៏អាចបណ្ដាលឲ្យមានការរលាកនៅក្នុងបេះដូង ដោយវិវត្តទៅជាជំងឺរលាកសាច់ដុំបេះដូង ឬរលាកស្រោមបេះដូង ។

ផលវិបាកនៃបញ្ហាបេះដូង ក្រោយជាសះស្បើយពីកូវីដ-១៩

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មុននឹងយល់ដឹងពីវិធីសាស្ត្រគ្រប់គ្រងផលវិបាកនៃជំងឺបេះដូង ក្រោយជាសះស្បើយពីកូវីដ-១៩ យើងគួរស្វែងយល់ពីរោគសញ្ញាមួយចំនួនជាមុនសិន។

ចង្វាក់បេះដូងលោតញាប់

យោងតាមអ្នកជំនាញបានឲ្យដឹងថា អ្នកជំងឺដែលជាសះស្បើយពីវីរុសកូវីដ-១៩បានប្រឈមនឹងបញ្ហាចង្វាក់បេះដូងលោតញាប់ ដែលនៅចន្លោះពី៦០ទៅ១០០។ ការកើនឡើងចង្វាក់បេះដូងនេះ អាចបណ្ដាលឲ្យគ្រោះថ្នាក់ដល់ជីវិត ប្រសិនបើយើងមិនយកចិត្តទុកដាក់។

“គ្រុនក្ដៅ និងការបង្ករោគអាចនាំឲ្យចង្វាក់បេះដូងលោតញាប់ខ្លាំងចំពោះអ្នកជំងឺកូវីដ-១៩ ដែលកើតជំងឺរលាកសួត។ សម្ពាធឈាមអាចធ្លាក់ចុះ ឬឡើងខ្ពស់ នឹងបង្កឲ្យមានសម្ពាធលើបេះដូង ហើយជាលទ្ធផល វាអាចកើនឡើងតម្រូវការអុកស៊ីហ្សែន និងបណ្ដាលឲ្យខូចបេះដូងតែម្តង”។

របាយការណ៍ របស់ Harvard Health

ពិបាកដកដង្ហើម

ទន្ទឹមនឹងនេះដែរ អ្នកជំងឺមួយចំនួនដែលជាសះស្បើយពីកូវីដ-១៩ អាចកើតមានបញ្ហាពិបាកដកដង្ហើមធ្ងន់ធ្ងរ ដែលអ្នកខ្លះអាចជាសះស្បើយក្នុងរយៈពេលខ្លី និងខ្លះទៀតត្រូវការចំណាយពេលយូរ ទើបអាចដោះស្រាយបញ្ហានេះបាន។

តិចនិកថែទាំសុខភាពបេះដូងក្រោយជាសះស្បើយពីកូវីដ-១៩

ជំងឺកូវីដ-១៩ អាចបង្កើនហានិភ័យនៃគ្រោះថ្នាក់សរសៃឈាមខួរក្បាល និងបញ្ហាគាំងបេះដូង។ មួយវិញទៀត របាយការណ៍បានបញ្ជាក់ថា កូវីដ-១៩ ក៏អាចបង្កើនហានិភ័យនៃការកកឈាមដូចគ្នា។ ដូច្នេះហើយ យើងគួរថែទាំជាពិសេសចំពោះបេះដូង ក្រោយជាសះស្បើយពីកូវីដ-១៩ ដោយអនុវត្តតាមវិធានខាងក្រោម៖

១. បញ្ចៀសកំណកឈាម

កំណកឈាមអាចបង្កជាបញ្ហាសុខភាពធ្ងន់ធ្ងរជាច្រើន ដូចជាគ្រោះថ្នាក់សរសៃឈាមខួរក្បាល និងគាំងបេះដូង។ ដូច្នេះហើយ យើងគួរពិគ្រោះជាមួយគ្រូពេទ្យឯកទេសខាងបេះដូង ប្រសិនបើយើងមានរោគសញ្ញានៃកំណកឈាមដូចជាដកដង្ហើមហត់ និងចុកទ្រូងស្រួចស្រាល់។

២. ញ៉ាំរបបអាហារសុខភាព

ពិតណាស់ អាហារល្អៗមានអត្ថប្រយោជន៍ច្រើនដល់ការជាសះស្បើយឆាប់រហ័ស និងត្រឹមត្រូវ ហេតុនេះហើយ ទើបអង្គការសុខភាពពិភពលោក (WHO)បានណែនាំឲ្យអ្នកជំងឺកូវីដ-១៩ ញ៉ាំបន្លែ ផ្លែឈើ និងគ្រាប់ធញ្ញជាតិដូចជា អាល់ម៉ុន គ្រាប់ស្វាយចន្ទី ឬគ្រាប់ល្ពៅ។ បន្ថែមពីនេះ យើងគួរតែជៀសវាងការញ៉ាំអាហារវេចខ្ចប់ និងអាហារប្រៃពេក។ល។

៣. ធ្វើលំហាត់ប្រាណ

ការធ្វើលំហាត់ប្រាណមានសារសំខាន់ណាស់ចំពោះសុខភាពរបស់យើងទាំងមូល ជាពិសេស ក្រោយពេលដែលយើងទើបជាសះស្បើយពីជំងឺកូវីដ-១៩។ ដូចនេះ គ្នាយើងគួរហាត់ប្រាណឲ្យបានទៀងទាត់ ទើបជាការប្រសើរ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

សម្រាប់អ្នកធ្លាប់ឆ្លងកូវីដ! ក្រោយ​ជា​តើ​អាច​ប្រឈម​​បញ្ហា​បេះដូងបែប​ណា​?

ផលវិបាក​នៃ​បញ្ហា​បេះដូង​ ក្រោយ​ជា​សះស្បើយ​ពី​កូវីដ​-១៩

ចង្វាក់​បេះដូង​លោត​ញាប់​

របាយការណ៍ របស់ Harvard Health

ពិបាក​ដក​ដង្ហើម​

តិចនិក​ថែទាំ​សុខភាព​បេះដូង​ក្រោយ​​ជា​សះស្បើយ​ពី​កូវីដ​-១៩

១. បញ្ចៀស​កំណក​ឈាម

២. ញ៉ាំ​របប​អាហារ​សុខភាព

៣. ធ្វើ​លំហាត់​ប្រាណ​

In Case You Missed It