ក្មេងប្រុស៩ឆ្នាំម្នាក់ លួចជិះយន្តហោះរត់ចេញពីផ្ទះ ក្រោយឆែកGoogle អំពីរៀបជិះ គ្មានអ្នកចាប់អារម្មណ៍

ប្រេសុីល៖ នាពេលថ្មីនេះ នៅប្រទេសប្រេសុីលមានរឿងចម្លែកមួយបានកើតឡើង ដោយសារក្មេងប្រុសម្នាក់ត្រឹម៩ឆ្នាំ ហ៊ានឡើងជិះយន្តហោះ ចេញពីផ្ទះ ដោយមិនឱ្យអ្នកផ្ទះដឹងទាល់តែសោះ។

ដោយឡែក​ ក្មេងប្រុសម្នាក់នោះមានឈ្មោះថា Emanuel Marques Oliveira បានរត់ចេញពីផ្ទះនៅពេលព្រឹក ហើយទៅឡើងយន្តហោះ ដោយមិនបានទិញសំបុត្រ លំខិតស្នាមអ្វីទាំងអស់ រូបគេបានធ្វើដំណើរ២៧០០គីឡូម៉ែត្រ ពីទីតាំងដែលគេចេញដំណើរ ឆ្ពោះទៅកាន់ទីក្រុង Guarulhos។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្រោមការសើបអង្កេតរបស់ប៉ូលីស មុនពេលកើតហេតុក្មេងប្រុសរូបនេះ បានធ្វើឆែកក្នុងGoogle ដោយសរសេរពាក្យថា របៀបឡើងយន្តហោះ ដោយមិនមាននរណាណាចាប់អារម្មណ៍ផងដែរ។

ប៉ុន្តែខណៈពេលនេះ ក្មេងប្រុសរូបនេះ កំពុងតែស្ថិតនៅក្នុងទីក្រុង Guarulhos នៅឡើយ ដែលនេះធ្វើឱ្យម្តាយរបស់គេមានការធូរស្រាលក្នុងចិត្តខ្លះ។

យ៉ាងណាមិញ ប៉ូលីសបានបើកការសើបអង្កេត និងឆែកឆេរមើលកាំមេរ៉ានៅក្នុងព្រលានយន្តហោះ ប៉ុន្តែលទ្ធផលមិនដឹងជាយ៉ាងណាទេ។ ក្រៅពីនេះ ប៉ូលីសបានបញ្ជាក់ថា ប្រវត្តិក្រុមគ្រួសារ Emanuel Marques Oliveira គឺគ្មានការធ្វើ.បា.ប.អ្វីឡើយ មូលហេតុគឺគេចង់ទៅលេងផ្ទះបងប្អូននៅទីក្រុងផ្សេងទៀតប៉ុណ្ណោះ៕

សូមចូលទស្សនារូបភាពខាងក្រោម៖