ធ្លាប់ធ្វើឲ្យគេសើចរហូត អ្នកគ្រូ ផេនស៊ី សារភាពថា កំពុងមានបញ្ហាសុខ.ភាព.ផ្លូវ.ចិត្ត

ថៃ៖ តារាសម្ដែង និងជាពិធីការិនី Tukky Sudarat ឬយើងស្គាល់ថា អ្នកគ្រូ ផេនស៊ី ជាតារាស្រីមួយរូប ដែលពូកែសម្ដែងចរិតកំប្លុកកំប្លែង និងធ្លាប់ធ្វើឲ្យមហាជន ក៏ដូចជាអ្នកគាំទ្រជាច្រើនសើចសប្បាយតាមរយៈស្នាដៃសិល្បៈរបស់នាងនាពេលកន្លងមក។

ដោយឡែក ស្រាប់តែពេលថ្មីៗនេះ Tukky Sudarat បានចេញមុខសារភាពថាខ្លួន បានមានបញ្ហាសុខភាពផ្លូវចិត្ត និងថប់អារម្មណ៍រយៈពេល ២ឆ្នាំហើយ។ ប៉ុន្តែទើបតែថ្មីៗនេះ ទើបនាងដាច់ចិត្តទៅជួបគ្រូពេទ្យ ហើយបានបង្ហើបតាមរយៈប្រាប់មហាជន ក៏ដូចជាអ្នកគាំទ្រ លើគណនី IG ថានាង មានភាពតានតឹងខ្លាំង ជាមួយរឿងជាច្រើនដែលនាងជួបប្រទះក្នុងជីវិត រហូតធ្វើឲ្យនាង មានអារម្មណ៍​ប្រែ​ប្រួល​ខ្លាំង​ ឆាប់ឆេឆាវ និង​ស្ទើរ​តែ​ធ្លាក់ដល់កម្រិត​បាក់​ទឹកចិត្តផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ Tukky Sudarat ក៏បានបន្ថែមទៀតថា នាងតែងតែមានស្វាមី និងមិត្តភក្ដិស្និទ្ធស្នាលនៅក្បែរខ្លួន នៅចាំផ្ដល់កម្លាំងចិត្ត និងលើកទឹកចិត្តឲ្យនាងព្យាយាមយកឈ្នះបញ្ហានេះឲ្យបាន ដើម្បីកុំឲ្យនាងភាពតានតឹងកាន់តែធ្ងន់ធ្ងរ និងកុំឲ្យប៉ះពាល់ដល់ការងារដែលនាងស្រលាញ់៕

ប្រភព៖ Kapook

• រូបភាព
• តារាថៃ