យុត្តិធម៌ត្រូវតែមាន! អ្នកដែលយកពូជឆ្កែ Husky យកធ្វេី … ត្រូវបានចាប់ខ្លួនហេីយ

កំពត៖ នៅលើគណនីជាផ្លូវការរបស់ ស្នងការដ្ឋាននគរបាលខេត្តកំពត បានធ្វើការចេញផ្សាយ នៃករណី ដែលចាប់សត្វពូជ Husky ចំនួន ៣ក្បាលនោះ យកទៅទៅធ្វើម្ហូបបរិភោគនោះ ត្រូវបានគេកំណត់មុខសញ្ញា ជនសង្ស័យ ៩នាក់ ដែលរៀបចំផ្លូវច្បាប់បញ្ជូនទៅតុលាការ។

ជាមួយគ្នានេះដែរ ជាមួយនឹងការបង្ហោះមួយនេះ ត្រូវបានទទួលការពេញចិត្តជាខ្លាំង ពីសំណាក់អ្នកលេងបណ្តាញសង្គមហ្វេសប៊ុក ជាពិសេសនោះ អ្នកមានចំណង់ចំណូលចិត្ត ដែលស្រលាញ់សត្វឆ្កែតែម្តង ជាមួយនឹងវិធានការយ៉ាងយុត្តិធម៌របស់ ស្នងការដ្ឋាននគរបាលខេត្តកំពត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួររំលឹកផងដែរថា មានគណនីមួយ បានធ្វើការ Live វីដេអូ នៃការបង្ហោះ របស់ម្ចាស់ឆ្កែ ៣ក្បាលដែលបានគេសម្លាប់នោះ នៅនឹងកន្លែងតែម្តង ដែលគេកំពុងតែរៀបពន្លាត់ស្បែក ដែលសកម្មភាពមួយនេះ ត្រូវបានអ្នកនិយមអ៉ីនធឺណែតមានការអាណិតអាសូរជាខ្លាំង ក៏ដូចជាមានការខឹងសម្បារ នៃអ្នកបានសម្លាប់សត្វឆ្កែទាំងនោះដូច្នេះដែរ៕

ប្រភព៖​ ស្នងការដ្ឋាននគរបាលខេត្តកំពត

សូមទស្សនារូបភាពខាងក្រោម៖