មើលគូគេផង សូម្បីតែទៅធ្វើបុណ្យ ក៏ Mark និង Kimberley ធ្វើឲ្យហ្វេនច្រណែនដែរ

ថៃ៖ ពិតណាស់  បើគិតមកទល់នឹងពេលនេះ រវាងទំនាក់ទំនងស្នេហារវាងកម្លោះសង្ហា Mark Prin និងតារាស្រីល្បីឈ្មោះ Kimberley គឺមានរយៈពេល ៨ ឆ្នាំទៅហើយ។ ជាពិសេស គូស្នេហ៍មួយគូនេះ បានទាញយកចំណាប់អារម្មណ៍ហ្វេនៗជាច្រើន ជាមួយនឹងសកម្មភាពផ្អែមល្ហែម ជាហូរហែ។

មិនតែប៉ុណ្ណោះ គូស្នេហ៍អ្នកទាំងពីរ នៅតែរក្សាបាននូវទំនាក់ទំនងស្នេហាយ៉ាងល្អបំផុត ដោយសារតែមានរូបភាពដ៏ផ្អែមល្ហែម ជាពិសេសបន្ទាប់ពីចូល២០២២នេះ នៅលើគណនីអ៊ីនស្តាក្រាម របស់ Mark Prin បានបង្ហោះរូបភាព កាន់តែល្អូកល្អើនលើសមុន បង្កើតអនុស្សាវរីយ៍យ៉ាងកក់ក្តៅជាមួយគ្នា ថែមទាំងបង្ហោះបង្អួតអ្នកគាំទ្រឲ្យលួចច្រណែនមិនស្ទើរផងដែរ។  

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង ដូចពេលថ្មីៗនេះ គ្រាន់តែដឹកដៃគ្នាទៅវត្តធ្វើបុណ្យ ក៏ Mark និងមិត្តស្រី ធ្វើឲ្យអ្នកគាំទ្រអៀនជាមួយដែរ។ ជាពិសេស បង្ហាញសកម្មភាពយ៉ាងស្និតស្នាល សមរម្យជាខ្លាំងជាមួយនឹង សម្លៀកបំពាក់ដ៏សមសួន ថែមទាំងកាយវិការដឹកដៃគ្នា Mark ថែមទាំងកាន់កាបូបឲ្យ Kimberley មើលទៅពិតជាផ្អែមល្ហែម មានក្តីសុខខ្លាំងមែនទែន៕

សូមទស្សនារូបភាពខាងក្រោម៖

• តារាថៃ