ខ្វះពេលលួចមែន? សូម្បីពិធីបុណ្យ Tangmo មានអ្នកឆ្លៀតលួច កាបូបរាប់សែនបាត របស់ Bitoey ទៀត

ថៃ៖ កាលថ្ងៃទី ១៤ ខែមិនា ម្សិលមិញនេះ តារាចម្រៀង Bitoey Rsiam ក៏បានទៅចូលរួមក្នុងពិធីបុណ្យស.ពរបស់ Tangmo ផងដែរ ខណៈពិធីបុណ្យនេះបានរៀបចំជាច្រើនថ្ងៃមកហើយ ព្រមទាំងមានវត្តមានមិត្តអ្នកសិល្បៈមកចូលរួមរំលែកទុក្ខជាហូរហែ។

ជាមួយគ្នានេះ នៅក្នុងពិធីថ្ងៃដដែល បន្ទាប់ពីបានចូលរួមនិងគោរពវិញ្ញាណក្ខន្ធ.ស.ពរបស់ Tangmo រួចរាល់ ស្រាប់តែតារាស្រី Bitoey ធ្វើឲ្យអ្នកគ្រប់គ្នា រួមទាំងអ្នកសារព័ត៌មានភ្ញាក់ផ្អើលខ្លាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយក្នុងនោះ នាងស្រាប់តែបានបាត់កាបូបផ្ទាល់ខ្លួន ដោយមិនដឹងថាអ្នកណាយកទៅនោះទេ។ ហើយកាបូបរបស់នាងនោះក៏ជាកាបូបដែលមានម៉ាកល្បី Dior និងមានតម្លៃថ្លៃផងដែរ រួមនឹងមានរបស់របរក្នុងនោះថែមទៀត ទើបនាងស្តាយ និងប្រកាសស្វែងរកភ្លាមៗតែម្ដង។ ពេលនោះដែរ Bitoey បានបង្ហើបថា នាងបានភ្លេចវានៅក្នុងបន្ទប់ទឹក ប៉ុន្តែនៅពេលនាងដើរទៅរកវិញក៏ស្រាប់តែបាត់ ទោះព្យាយាមរកក៏រកមិនឃើញ។

យ៉ាងណាមិញ ពេលនេះដែរ រូបភាពក្នុងកាមេរ៉ាសុវត្ថិភាព ក៏បានបញ្ជូនទៅឲ្យប៉ូលីស រង់ចាំមើលថាតើជាអ្នកណាដែលជាអ្នកលួចកាបូបនាងទៅ? យើងនឹងបន្តតាមដាននៅពេលក្រោយទៀត៕

ប្រភព៖ tvpoolonline

• រូបភាព
• តារាថៃ