រឿងភាគ Tangmo សម្តែងមិនទាន់ចប់ ពេលនេះ រកតួជំនួសឃើញហើយ ជាមិត្តភក្តិយិនស៊ិនរបស់នាង

ប្រទេសថៃ ៖ ពិតណាស់ ខណៈត្រូវបា.ត់ប.ង់ជីវិត តារាសម្តែងស្រី Tangmo កំពុងទទួលការងារថតរឿងភាគចំណងជើង «ឃុនឆាយ» ជារឿងចុងក្រោយដែលរូបនាងបានសម្តែង ក្នុងរឿងភាគនេះ រូបនាងក៏ចាត់ទុកជាតួសំខាន់ម្នាក់ផងដែរ ដោយដើរតួជាភរិយាទី២ ក្នុងគ្រួសារត្រកូលចិនមួយ។

ដោយសារតែ ការសម្តែងរបស់Tangmo មិនទាន់ផុតក្បាលផុតកន្ទុយបែបនេះ ធ្វើឲ្យក្រុមការងារ ពិបាកក្នុងការរើសតួជំនួសជាខ្លាំង ខណៈតារាស្រីរូបនេះ បានដាក់ចិត្តយ៉ាងខ្លាំង ក្នុងរឿងភាគមួយនេះ ដូច្នេះ ក្រុមការងារក៏សម្រេចថតរឿងភាគនេះសាជាថ្មី ដោយរកបានតួជំនួស ជាមិត្តយិនស៊ិន១៥ឆ្នាំរបស់រូបនាង គឺអ្នកនាង Panward ដែលត្រូវមហាជនថៃ និយមឃើញរូបនាង ដើរតួឈ្នានីស ចិត្តអាក្រក់ សមជាងគេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បើងាកទៅមើល អ្នកនាង Panwardវិញ បន្ទាប់ពីបានរៀបការរួចមក រូបនាងក៏ដកឃ្លាពីការសម្តែងផងដែរ ផ្ទុយទៅវិញ ក្រោយទទួលដំណឹងចង់ឲ្យ រូបនាងជំនួសតួរបស់មិត្តភក្តិ​ រូបនាងមិនគិតវែងឆ្ងាយ គឺចម្លើយយល់ព្រម ព្រោះនាងដឹងច្បាស់ថា រឿងភាគមួយនេះ មិត្តភក្តិដាក់ចិត្តសម្តែងខ្លាំង ដូច្នេះរូបនាងមិនចង់ឲ្យ គេឯងគិតថា ខ្លួនជំនួសតំណែងមិត្តឡើយ គឺចង់សម្រេចការងារដែលមិត្តបន្សល់ឲ្យបានល្អ ដើម្បីឲ្យមិត្តទៅឋានសួគ៌ឲ្យបានសុខ មិនចាំបាច់ខ្វាយខ្វល់ វិលវល់នឹងការងារដែលរូបនាងបន្សល់ទុកនោះឡើយ៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖

ប្រភព ៖ Thai Drama Zone

• ការងារ
• ជីវិត
• រូបភាព
• តារាថៃ