ជិត៤០ឆ្នាំហើយ មេម៉ាយ គីម ចាន់ឌី នៅតែមានហាងឆេង ថតស្បតពាណិជ្ជកម្ម ឲ្យផលិតផលមួយនេះ

កូរ៉េខាងត្បូង៖ សារព័ត៌មាន Sports Chosun បានរាយការណ៍ថាតារាសម្តែង Goo Hye Sun ទើបតែថតផ្សាយពាណិជ្ជកម្មសម្រាប់ខោអាវក្នុងម៉ាក TRY ដែលមិន​ត្រឹម​តែ​ជា​តារា​ម៉ូដែល​ប៉ុណ្ណោះ​ទេ តារា​ស្រី​រូប​នេះ​ក៏​ទទួល​តួនាទី​ជា​អ្នកផលិត និង​ជា​អ្នក​ដឹក​នាំ​ការ​ ថតពាណិជ្ជកម្ម​តាម​ទូរទស្សន៍ដោយផ្ទាល់ផងដែរ។

កាល​ពី​ថ្ងៃ​ទី ១០ ខែ​មីនា តារា​សម្ដែង «Meteor Garden» បាន​បង្ហោះ​លើ​ទំព័រ​ផ្ទាល់​ខ្លួន​របស់​នាង​នូវ​រូបថត​ដែល​ថត​ពី​ក្រោយ​ឆាក​ថត​ផ្សាយ​ពាណិជ្ជកម្ម។ នាង​ស្លៀក​ឈុត​ខ្លី​ដ៏មានទំនុកចិត្ត ​បង្ហាញ​ពី​សាច់​ស្បែក​ស​ភ្លឺ​ថ្លាម៉ត់ខៃ ​របស់​នាង ក្រោយពីបានស្រកទម្ងន់ ១១ គីឡូក្រាម ដោយទទួលបានរាងស្លីមជាមួយនឹងទម្ងន់ ៤៦ គីឡូក្រាម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នេះបើយោងតាម ​​Sports Chosun នេះមិនមែនជាលើកទីមួយទេ ដែល Goo Hye Sun បានប្រជែងខ្លួនជាអ្នកផលិតថតស្ប៉ត យ៉ាងណាមិញ ការចុះកុងត្រាជាតារាបង្ហាញម៉ូត និងផលិតករផ្សាយពាណិជ្ជកម្មឱ្យយីហោសម្លៀកបំពាក់ក្នុងស្រុក ត្រូវបានចាត់ទុកថាជាសញ្ញានៃការវិលត្រឡប់របស់តារាស្រីរូបនេះមកកាន់ឧស្សាហកម្មកម្សាន្តដូច្នេះដែរ៕

ប្រភព៖ zingnews

សូមទស្សនារូបភាពខាងក្រោម៖ 

• តារាកូរ៉េ