សាលារៀននៅទីក្រុងតូក្យូ នឹងបញ្ចប់ការអនុវត្តច្បាប់តឹងរឹង ទៅលេីសិស្សសាលា ក្នុងរឿងនេះ

ជប៉ុន៖ នៅក្នុងពេលថ្មីៗនេះ រដ្ឋាភិបាលប្រទេសជប៉ុន បានសម្រេចបញ្ចប់ច្បាប់រឹតបណ្តឹងច្បាប់ក្នុងសាលារៀន ដោយសារតែសិស្សសាលាជាច្រើន បានសម្តែងការមិនពេញចិត្តចំពោះវិន័យថ្មីមួយនេះ។

ដោយឡែក បើតាមប្រភពមួយបានបញ្ជាក់ថា ចាប់ពីខែមេសា ឆ្នាំ២០២២នេះ វិទ្យាល័យសាធារណៈប្រមាណជាង ២០០ និងស្ថាប័នអប់រំផ្សេងទៀតនឹងទម្លាក់បទប្បញ្ញត្តិផ្សេងៗទៀត ដោយមានទាំងច្បាប់មួយដែលតម្រូវឱ្យសិស្សត្រូវតែមានសក់ពណ៍ខ្មៅផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីមុន ស្ទើរពាក់កណ្តាលនៃវិទ្យាល័យតូក្យូបានស្នើឱ្យសិស្សដែលមានពណ៍ពណ៍ត្នោត ឬពណ៍ផ្សេងក្រៅពីពណ៍ខ្មៅ ឱ្យដាក់វិញ្ញាបនបត្រដែលបញ្ជាក់ថាសក់របស់ពួកគេគឺមានពណ៍បែបនេះមកពីធម្មជាតិ ដោយមិនមានការលាបថ្នាំប្តូរពណ៍នោះឡើយ ដោយសារតែសាលានៅប្រទេសជប៉ុនប្រកាន់ខ្ជាប់ច្បាប់តឹងរឹងខ្លាំង ដោយមានទាំងច្បាប់ទៅលើពណ៍សក់ ការផាត់មុខ និងសម្លៀកបំពាក់សិស្ស រួមទាំងប្រវែងសំពត់សិស្សស្រីទៀតផង៕

សូមចូលទស្សនារូបភាពខាងក្រោម៖