២នាក់ម្តាយកូន មានអីមិនល្អ! មកខ្មែរលើកនេះ យ៉ាន លីនដា បណ្តើរកូនស្រី យ៉ាងក្តីសុខ

រាជធានីភ្នំពេញ ៖ ពិតណាស់ ដូចដែរដឹងស្រាប់ហើយថា ក្រោយចែកផ្លូវជាអតីតស្វាមីរួចមក តារាចម្រៀងស្រី យ៉ាន លីនដា និងកូនស្រី បានទៅរស់នៅលើទឹកដីប្រទេសអូស្ត្រាលី រហូតដល់ទៅជាង៦ឆ្នាំ ទើបនឹងមកលេងស្រុកខ្មែរវិញ កាលពីប៉ុន្មានថ្ងៃមុននេះ ធ្វើឲ្យហ្វេនៗភ្ញាក់ផ្អើលខ្លាំង។

តួយ៉ាង មកលេងស្រុកម្តងនេះ រូបនាងមកជាលក្ខណៈគ្រួសារ ដោយមានទាំងវត្តមានកូនស្រី ព្រមទាំងឪពុកម្តាយថែមទៀតផង អ្វីដែលកាន់តែពិសេសនោះគឺ លើកនេះប្លែកខ្លាំង កូនស្រីប្រែប្រួលធំអន្ធឹកពេញក្រមុំស្តូកពេញរូបពេញរាងប៉ុនអ្នកម៉ាក់ហើយ រីឯសម្រស់វិញ ក៏ស្អាតមិនចាញ់អ្នកម៉ាក់ប៉ុន្មានដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ តាំងពីមកស្រុកកំណើត ហ្វេនៗក្រឡេកឃើញតារាស្រីរូបនេះ បណ្តើរកូនស្រីចូលរួមកម្មវិធីជាប់តែម្តង ទៅណាមកណា ក៏មានវត្តមានកូនស្រីនៅក្បែរ ឈរជិតគ្នាស្ទើរដូចបងប្អូន ចំហាយក្តីសុខខ្លាំង ២នាក់ម្តាយកូនមានអ្វីមិនល្អ៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖

• គ្រួសារ
• ជីវិត
• រូបភាព
• តារាខ្មែរ