រដ្ឋាភិបាលចិន​មានប្រសាសន៍ថា តៃវ៉ាន់​កំពុង​ ទាញ​យក​ប្រយោជន៍​ក្នុងសង្គ្រាមរវាងអ៊ុយក្រែន និងរុស្សី

ចិន៖ ក្នុងពេលថ្មីៗនេះ រដ្ឋាភិបាលចិន​មានប្រសាសន៍ថា តៃវ៉ាន់​កំពុង​ទាញ​យក​ប្រយោជន៍​ ដោយធ្វើជាបញ្ជូនជំនួយទៅកាន់អ៊ុយក្រែន ហើយដាក់ទ.ណ្ឌ.ក.ម្ម.ទៅលើរុស្សី។

ដោយឡែក នៅថ្ងៃពុធ ទី១៦ ខែមីនា ឆ្នាំ២០២២នេះ រដ្ឋាភិបាលចិនបានធ្វើការវាយប្រហារតៃវ៉ាន់ថា ទាញយកប្រយោជន៍ពីការលំបាករបស់អ្នកដទៃ ក្រោយពីតៃវ៉ាន់បានធ្វើដាក់ទ.ណ្ឌ.ក.ម្ម.លើរុស្សី និងផ្តល់ជំនួយទៅកាន់ជនភាសខ្លួននៅអ៊ុយក្រែន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្រៅពីនេះ កាលពីល្ងាចថ្ងៃអង្គារ ក្រសួងការបរទេសតៃវ៉ាន់បានប្រកាសផ្តល់ជំនួយជាលើកទីពីរចំនួន ១១,៥ លានដុល្លារអាមេរិក ដើម្បីជួយដល់ជនភៀសខ្លួន បន្ទាប់ពីការបរិច្ចាគលើកដំបូងមានចំនួនទឹកប្រាក់ ៣,៥ លានដុល្លារអាមេរិក។

យ៉ាងណាមិញ រដ្ឋាភិបាល​តៃវ៉ាន់​និយាយ​ថា អ៊ុយក្រែន​មាន​កាតព្វកិច្ច​ឈរ​ជាមួយ​ប្រទេស​ប្រជាធិបតេយ្យ​ផ្សេងៗ​ទៀត ដើម្បីការពារប្រទេសរបស់ខ្លួន៕

សូមចូលទស្សនារូបភាពខាងក្រោម៖