អស្ចារ្យមែន! ២៤ម៉ោងក្រោយរញ្ជួយដី ផ្លូវមួយនៅប្រទេសជប៉ុនត្រូវបានជួសជុលឡើងស្អាតតែម្តង

ជប៉ុន÷ កាលពីយប់ថ្ងៃពុធ ទី១៦ ខែមីនា ឆ្នាំ២០២២កន្លងទៅនេះ ក្រោយពេលដែលប្រទេសជប៉ុនបានជួបប្រទះទៅនឹងរលករញ្ជួយដីក្នុងកម្រិត៧.៣រុិចទ័រ ភ្លាមៗនោះភ្លើងអគ្គីសនីត្រូវបានផ្តាច់នៅតំបន់មួយចំនួន រីឯផ្សារនិងហាងលក់ទំនិញមួយចំនួនទៀតក៏រងការបំផ្លាញដោយសារតែកម្លាំងរញ្ជួយដីផងដែរ។

យ៉ាងណាមិញ ផ្លូវHighWay មួយខ្សែស្ថិតនៅតំបន់ Tohoku ក៏ត្រូវបានរងការបំផ្លាញ ដោយទ្រូងផ្លូវនិងគន្លងផ្លូវត្រូវប្រេះ ប៉ុន្តែភ្លាមៗនោះ ២៤ម៉ោងក្រោយមកស្រាប់តែផ្លូវមួយខ្សែនោះត្រូវបានក្រុមជំនាញនិងអជ្ញាធរជប៉ុនជួសជុល និងស្ថាបនាឡើងវិញតែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ផងដែរថា ជប៉ុនជាប្រទេសមួយដែលស្ថិតនៅចំខ្សែក្រវ៉ាត់ភ្នំភ្លើងនិងរញ្ជួយដី ដោយជារឿយៗប្រទេសនេះតែងតែជួបប្រទះទៅនឹងគ្រោះធម្មជាតិ ប៉ុន្តែស្របពេលជាមួយគ្នានោះ ការស្ថាបនានិងកសាងឡើងវិញនៅហេដ្ឋារចនាសម្ព័ន្ធក្រោយរញ្ជួយដីនិងគ្រោះធម្មជាតិក៏ត្រូវបានសាងសង់ព្រមជាមួយគ្នាឡើងវិញដែរ៕

ចង់ជ្រាបកាន់តែច្បាស់សូមទស្សនារូបភាពខាងក្រោមនេះ÷

• រូបភាព