មកមើលផ្ទះដ៏ប្រណីត Adam Levine ត្រៀមលក់ក្នុងតម្លៃរាប់លានដុល្លារ

បរទេស៖ ថ្មីៗនេះ យោងតាម ​​សារព័ត៌មានTMZ បានបង្ហាញថា តារាចម្រៀង លោក Adam Levine និងភរិយា Behati Prinsloo កំពុងធ្វើការលក់វីឡាដ៏ប្រណីត របស់ខ្លួន ដែលបានទិញក្នុងតម្លៃដំបូង ប្រមាណ​ ៣២ លានដុល្លារ ប៉ុន្តែឥឡូវនេះ គូស្វាមីភរិយាអ្នកទាំងពីរ បានប្តូរតម្លៃលក់មកខ្ទង់ ៥៧,៥ លានដុល្លារ។

តាមប្រភពដដែលនេះ បាន​បន្ត​ថា មូលហេតុ​ដែល​នាំ​ឱ្យ​តម្លៃ​អចលន​ទ្រព្យ​ឡើង​ថ្លៃ​ គឺ​ដោយសារតែ លោក Levine និង Prinsloo បាន​ចំណាយ​ប្រាក់យ៉ាង​ច្រើន​ក្នុង​ការ​ជួសជុលឡើងវិញ ហើយពួកគេ ថែមទាំងបានជួលស្ថាបត្យករ ដើម្បីតុបតែង ផ្លាស់ប្តូរពណ៌ថ្មី សម្រាប់ស្ទាយ៍បែបកសិដ្ឋាន ទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងនោះដែរ ផ្ទះដ៏ប្រណីតរបស់អ្នកទាំងពីរ ស្ថិតនៅលើផ្ទៃដីជាង ៣ ហិចតា ដោយមានបន្ទប់គេង សរុបចំនួន ១០ និងបន្ទប់ទឹកចំនួន ១៤ ។ ចំណែកឯការតុបតែងផ្នែកខាងក្នុង ត្រូវបានតែងជញ្ជាំងដោយម្នាងសិលា កម្រាលឈើធម្មជាតិ ជាពិសេស ព្រមទាំងមាន កន្លែងទទួលទានអាហារ បន្ទប់យូហ្គា ការិយាល័យ កន្លែងហាត់ប្រាណ ផងដែរ៕ 

ប្រភព៖ Zingnews

សូមទស្សនារូបភាពខាងក្រោម៖ 

• តារាអន្តរជាតិ