បង្ហាញខ្លួនតាមផ្លូវហើយ អតីតស្វាមី Yang Mi បែរជាគ្មានអ្នកស្គាល់ទៅវិញ

ចិន៖ ថ្មីៗនេះ តារាសម្ដែង លោក Hawick Lau ដែលត្រូវបានគេស្គាល់ថា ជាអតីតស្វាមី តារាស្រី Yang Mi បានទាញយកចំណាប់អារម្មណ៍ហ្វេនៗសាជាថ្មី បន្ទាប់ពី បានបង្ហោះនូវវីដេអូ Vlog របស់ខ្លួន ដែលបានទៅកម្សាន្ត និងជិះរថភ្លើងទេសចរណ៍។ 

ក្នុងនោះដែរ តារាសម្ដែងប្រុសរូបនេះ បានតែងខ្លួនយ៉ាងសាមញ្ញធម្មតា​ ជាមួយនឹងឈុតសម្លៀកបំពាក់ពណ៌ខៀវ និងពាក់ម៉ាស ដោយគ្មានអ្នកផ្សេងទៀតមកជាមួយ ក្រៅពីអ្នកថតវីដេអូនោះទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែអ្វីដែលគួរឲ្យកត់សម្គាល់នោះគឺ នៅពេលដែលកំពុងតែញ៉ាំអាហារ ឬទៅដល់កន្លែងកម្សាន្តនោះ ស្រាប់តែមិនមាននរណាម្នាក់ មើលរូបលោកស្គាល់នោះឡើយ  ជាពិសេស តារាប្រុសរូបនេះ ហាក់នៅម្នាក់ឯង ដោយគ្មាន ហ្វេនៗមកនៅជុំជិត ដូចកាលពីមុនឡើយ។ បើទោះបីជា បានដោះម៉ាសចេញ ក៏មិនមានមនុស្សច្រើនដែលបានចាប់អារម្មណ៍លើរូបលោក រហូតដល់ទស្សនិកជនមួយចំនួន បានលើកឡើងថា តារាប្រុសរូបនេះ លែងមានភាពទាក់ទាញ​ទៀតហើយ៕ 

ប្រភព៖ Eva.vn

សូមទស្សនារូបភាពខាងក្រោម៖ 

• តារាចិន