ការគ្រប់គ្រងឧបករណ៍ឌីជីថល ការរឹតត្បឹតអាយុ និងការរឹតបន្ដឹងការចូលប្រើប្រាស់ ជួយឱ្យសហគមន៍ TikTok អនឡាញដោយសុវត្ថិភាព

ភ្នំពេញ៖ TikTok ដែលជាភ្លែតហ្វមផ្ដោតលើវីដេអូខ្លីៗ ដោយមានបេសកកម្មលើកទឹកចិត្ដឱ្យមានការបង្កើតភាពច្នៃប្រឌិត បានប្រើប្រាស់មុខងារគ្រប់គ្រងឧបករណ៍ឌីជីថល មុខងាររឹតត្បឹតអាយុ និងការរឹតបន្ដឹងការចូលប្រើប្រាស់ ដើម្បីរក្សាសុវត្ថិភាពសហគមន៍ TikTok និងធានាថា អ្នកប្រើប្រាស់បានបំពេញលក្ខខណ្ឌតម្រូវអាយុអប្បបរមា។

ជារៀងរាល់ថ្ងៃ ក្រុមផលិតមាតិកាដែលមកពីគ្រប់សាវតាបានជួបជុំគ្នានៅលើ TikTok ដើម្បីផ្សារភ្ជាប់ទំនាក់ទំនងជាមួយសហគមន៍សកល។ រាប់ចាប់ពីឪពុកម្ដាយចែករំលែកគន្លឹះល្អៗ (#momhack មានអ្នកទស្សនា ១,៨ពាន់លានដង) រហូតដល់ពលរដ្ឋវ័យចំណាស់បង្ហាញការជួបជុំគ្នាឡើងវិញក្នុងទ្រង់ទ្រាយធំ ជាមួយមិត្ដភក្ដិជិតស្និទ្ធ និងក្រុមគ្រួសារក្រោយពីចាក់វ៉ាក់សាំងរួច TikTok គឺជាមជ្ឈមណ្ឌលសម្រាប់សហគមន៍ចម្រុះដើម្បីបង្ហាញអ្វីដែលជាខ្លួនឯង ប្រកបដោយភាពច្នៃប្រឌិត និងបែបកម្សាន្ដ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

រៀងរាល់ថ្ងៃ អ្នកជំនាញផ្នែកសុវត្ថិភាពរាប់ពាន់នាក់នៅ TikTok មានភារកិច្ចបំពេញការងារយ៉ាងសំខាន់ក្នុងការជួយថែរក្សាសុវត្ថិភាពជូនសហគមន៍ TikTok។ កិច្ចការចម្បងមួយនៃការងារនេះ គឺការរៀបចំយុទ្ធសាស្ដ្រ និងមុខងារផ្សេងៗ ដើម្បីឱ្យមានតែអ្នកគ្រប់អាយុកំណត់ប៉ុណ្ណោះ ដែលអាចបង្កើតគណនីលើ TikTok បាន។

សូម្បីតែមុនពេលចាប់ផ្ដើម TikTok ទទួលបានការវាយតម្លៃចំណាត់ថ្នាក់កម្រិតគុណភាព ១២+ ក្នុង App Store ដែលអនុញ្ញាតឱ្យឪពុកម្ដាយប្រើប្រាស់មុខងារគ្រប់គ្រងឧបករណ៍អេឡិចត្រូចនិច ដើម្បីរារាំងកូនៗរបស់ពួកគេពីការដោនឡូតកម្មវិធីទូរស័ព្ទ (App)។

ក្រោយមក ដើម្បីជួយទប់ស្កាត់មិនឱ្យអ្នកដែលមិនទាន់មានអាយុគ្រប់កំណត់ការប្រើប្រាស់ TikTok TikTok  បានបង្កើតមុខងាររឹតត្បឹតអាយុប្រកបដោយស្ដង់ដារ និងអព្យាក្រឹតដែលតម្រូវឱ្យអ្នកប្រើប្រាស់បំពេញថ្ងៃខែឆ្នាំកំណើតពេញលេញរបស់ពួកគេ ជំនួសឱ្យការដែលគ្រាន់តែចុចលើមុខងារអាយុអប្បបរមា ដែលត្រូវបានកំណត់ទុកជាមុន។

សម្រាប់អ្នកដែលមិនទាន់ឆ្លើយតបទៅនឹងលក្ខខណ្ឌតម្រូវអាយុអប្បបរមារបស់ TikTok ទេ TikTok នឹងផ្អាកលទ្ធភាពដែលពួកគេក្នុងការប៉ុនប៉ងបង្កើតគណនីជាថ្មីម្ដងទៀតដោយប្រើប្រាស់ថ្ងៃខែឆ្នាំកំណើតផ្សេង។

លើសពីនេះទៀត TikTok បានបង្កើតមុខងាររឹតត្បឹតអាយុប្រកបដោយស្ដង់ដារ និងអព្យាក្រឹត ដែលតម្រូវឱ្យអ្នកប្រើប្រាស់បំពេញថ្ងៃខែឆ្នាំកំណើតពេញលេញរបស់ពួកគេ ជំនួសឱ្យការដែលគ្រាន់តែចុចលើមុខងារអាយុអប្បបរមាដែលត្រូវបានកំណត់ទុកជាមុន។ បើនរណាម្នាក់មិនទាន់ឆ្លើយតបទៅនឹង លក្ខខណ្ឌតម្រូវអាយុអប្បបរមារបស់ TikTok ទេ TikTok នឹងផ្អាកលទ្ធភាពដែលពួកគេក្នុងការប៉ុនប៉ងបង្កើតគណនីជាថ្មីម្ដងទៀត ដោយប្រើប្រាស់ថ្ងៃខែឆ្នាំកំណើតផ្សេង។

TikTok ទទួលស្គាល់ថា មនុស្សភាគច្រើនយល់ដឹងពីសារៈសំខាន់នៃភាពស្មោះត្រង់ចំពោះអាយុរបស់ពួកគេនោះ។ យ៉ាងណាមិញ ក៏មានមនុស្សខ្លះទៀតមិនបានផ្ដល់ព័ត៌មានត្រឹមត្រូវផងដែរ ដែលជាបញ្ហាប្រឈមមួយសម្រាប់សេវាកម្មអនឡាញជាច្រើន។ ដោយសារហេតុនេះហើយបានជាការប្ដេជ្ញាចិត្ដរបស់ TikTok ចំពោះការអនុវត្ដលក្ខខណ្ឌតម្រូវអាយុអប្បបរមា មិនបញ្ចប់ត្រឹមមុខងាររឹតត្បឹតអាយុនេះទេ ហើយ TikTok ចាត់វិធានការមួយចំនួនទៀតដើម្បីកំណត់រក និងលុបចោលម្ចាស់គណនីដែលសង្ស័យមិនទាន់គ្រប់អាយុកំណត់។

ជាដំបូង TikTok បណ្តុះបណ្តាលក្រុមការងារសម្របសម្រួលផ្នែកសុវត្ថិភាពដើម្បីផ្ដល់សញ្ញាព្រមានថា គណនីមួយអាចត្រូវបានប្រើដោយកុមារអាយុក្រោម ១៣ឆ្នាំ។ TikTok ក៏ប្រើប្រាស់ព័ត៌មានផ្សេងៗទៀតដែលផ្ដល់ដោយក្រុមអ្នកប្រើប្រាស់ផងដែរ ដូចជាពាក្យគន្លឹះ និងការរាយការណ៍ក្នុងកម្មវិធីទូរស័ព្ទ (in-app) ដែលបានមកពីសហគមន៍របស់យើង ដើម្បីជួយបង្ហាញគណនីមិនទាន់គ្រប់អាយុកំណត់ដែលអាចមាន។ នៅពេលក្រុមការងារផ្នែកសុវត្ថិភាពរបស់ TikTok ជឿថា គណនីនោះអាចជាកម្មសិទ្ធិរបស់បុគ្គលមិនទាន់គ្រប់អាយុកំណត់ គណនីនោះនឹងត្រូវបានផ្អាក។

នៅក្នុង របាយការណ៍តម្លាភាព ចុងក្រោយរបស់ខ្លួន TikTok បានចុះផ្សាយអំពីគណនីត្រូវបានលុបចោលជាច្រើន ដោយសារបញ្ហារំលោភបំពានគោលការណ៍ណែនាំសហគមន៍របស់ TikTok។ ដើម្បីពង្រឹងបន្ថែមទៀតនូវវិធានការការពារអនីតិជននៅលើភ្លែតហ្វមរបស់ខ្លួន TikTok ក៏នឹងចាប់ផ្តើមចែករំលែកផងដែរនូវព័ត៌មានទាក់ទងការលុបចោលគណនីដែលសង្ស័យថាមានអាយុក្រោមអាយុកំណត់ ដោយចាប់ផ្តើមពីរបាយការណ៍បន្ទាប់ទៅ។

បន្ថែមពីលើការងារទប់ស្កាត់អ្នកមិនទាន់គ្រប់អាយុកំណត់មិនឱ្យប្រើប្រាស់សេវាកម្មរបស់ TikTok នោះ TikTok ក៏បានណែនាំមុខងារ និងគោលនយោបាយដ៏មានអត្ថប្រយោជន៍ជាច្រើនទៀតផងដែរ ដែលត្រូវបានបង្កើតឡើងដើម្បីលើកកម្ពស់បទពិសោធប្រកបដោយសុវត្ថិភាព និងស័ក្ដិសមចំពោះអ្នកប្រើប្រាស់ដែលមានអាយុចន្លោះពី ១៣ ទៅ ១៧ឆ្នាំ។

ឧទាហរណ៍ នៅពេលក្មេងជំទង់ចាប់ផ្ដើមប្រើប្រាស់ TikTok ភ្លែតហ្វមមួយនេះមានបំណងរឹតបន្ដឹងការចូលទៅកាន់មុខងារមួយចំនួនដូចជាការឆ្លើយឆ្លងសារដោយផ្ទាល់ (Direct Messaging) ហើយកំណត់គណនីអ្នកប្រើប្រាស់ដែលមានអាយុចន្លោះពី ១៣ ទៅ ១៥ឆ្នាំដោយស្វ័យប្រវត្ដិ ទៅជាប្រភេទគណនីកាត់បន្ថយហានិភ័យក្នុងការទទួលបានទិន្នន័យមិនសមរម្យ (private by default)។ ទាំងនេះគឺជាការសម្រេចចិត្ដប្រកបដោយវិជ្ជាជីវៈដែល TikTok ខិតខំការពារសមាជិកក្មេងៗនៅក្នុងសហគមន៍ នៅពេលពួកគេចាប់ផ្ដើមបង្ហាញវត្ដមាននៅលើអនឡាញ។ TikTok ក៏មានបំណងផ្ដល់ជូនឪពុកម្ដាយផងដែរនូវធនធានដែលពួកគេអាចប្រើប្រាស់បាន សម្រាប់ធ្វើការជជែកអំពីសុវត្ថិភាពលើប្រព័ន្ធឌីជីថល និងបង្កើតបរិយាកាសប្រកបដោយផាសុកភាពបំផុតសម្រាប់គ្រួសាររបស់ពួកគេ រួមទាំង កម្មវិធីសុវត្ថិភាពគ្រួសារ ។

ដើម្បីស្វែងយល់បន្ថែមអំពីលក្ខណៈពិសេសនៃបញ្ហាសុវត្ថិភាព និងធនធានដទៃទៀត ដែល TikTok ផ្ដល់ជូនក្មេងជំទង់ និងក្រុមគ្រួសារ សូមចូលទៅកាន់ មជ្ឈមណ្ឌលសុវត្ថិភាព របស់ TikTok៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

In Case You Missed It