បង្ហាញខ្លួនជាមួយស្វាមី Park ShinHye បែរជាធ្វើឲ្យចាប់អារម្មណ៍លើរឿងនេះ

បរទេស៖ អស់រយៈពេល ២ ខែទៅហើយ បន្ទាប់ពីតារាស្រី Park Shin Hye និង លោក Choi Tae Joon បានរៀបអាពាហ៍ពិពាហ៍ជាមួយគ្នាយ៉ាងរីករាយ ដែលជាទីចាប់អារម្មណ៍របស់ទស្សនិកជន និងហ្វេនៗជាច្រើន ផងដែរ។ 

ជាពិសេស កាលពីកន្លងទៅនេះ គូស្វាមីភរិយាអ្នកទាំងពីរ ត្រូវបានគេដឹងថា បានដំណើរកម្សាន្ត ដើម្បីទៅក្រេបទឹកឃ្មុំយ៉ាងរ៉ូមែនទិក នៅ Hawaii និងធ្វើឲ្យហ្វេនៗកំពុងតែរង់ចាំមើលពីរូបភាពស្វីតៗរបស់អ្នកទាំងពីរ ក្នុងដំណើរកម្សាន្តមួយនេះទៀតផង។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ថ្មីៗនេះ នៅលើបណ្ដាញសង្គម ស្រាប់តែមានការបើកបង្ហាញរូបភាពថ្មីរបស់ Park Shin Hye និង លោក Choi Tae Joon ដែលបានបង្ហាញខ្លួនជាមួយគ្នា ពេលពួកគេទាំងពីរបានទៅលេងកីឡាវាយកូនហ្គោល ជាមួយនឹងមិត្តៗ។ 

នៅក្នុងនោះ អ្នកទាំងពីរ ត្រូវបានគេចាប់អារម្មណ៍​ទៅលើការតុបតែងខ្លួនយ៉ាងសាមញ្ញ ជាពិសេស សម្រាប់តារាស្រី Park Shin Hye តែម្ដង ដែលបានមកជាមួយនឹងស្នាមញញឹមស្រស់ស្រាយ ក៏ដូចជា ធ្វើឲ្យហ្វេនៗបានសម្គាល់ឃើញ ពីមុខមូលជាងមុនរបស់នាង ផងដែរ៕

ប្រភព៖ Eva.vn

សូមទស្សនារូបភាពខាងក្រោម៖ 

• តារាកូរ៉េ