ថៃ៖ មហាជនដែលជាអ្នកគាំទ្រឧស្សាហកម្មកម្សាន្តថៃ ប្រាកដជាស្គាល់ក្រុម Furby Gang ដែលជាក្រុមតារាសម្ដែងស្រីស្អាតៗមានគ្នា ៥នាក់ជាមិត្តភក្ដិស្និទ្ធស្នាលនឹងគ្នាបំផុត។ ក្នុងនោះមានដូចជា Taew Natapohn Matt Peeranee Toey Jarinporn Mew Nittha និង Mint Chalida ។
ទន្ទឹមនឹងនេះ ក្រោយប្រឡូកក្នុងវិស័យភាពយន្តច្រើនឆ្នាំ និងមានស្នាដៃល្បីរៀងៗខ្លួន តារាស្រីទាំងនេះ ស្រាប់តែធ្វើឲ្យមហាជន និងអ្នកគាំទ្រមានការខកចិត្ត នៅពេលដែលដឹងថា ពួកគេមានរឿងអាស្រូវស្នេហាដ៏នឹកស្មានមិនដល់។ ហើយមូលហេតុចម្បង ដែលធ្វើឲ្យក្រុម Furby Gang នេះត្រូវបានគេស្អប់ និង.ជេ.រ.ស្ទើរគ្រប់គ្នា គឺមកពីសមាជិកទាំងអស់ (លើកលែងតែ Mint Chalida ចេញ) ពួកគេបានលូកលាន់រឿងអាស្រូវពាក់ព័ន្ធស្នេហាជាមួយបុរសអ្នកមាន បោះបង់សង្សារចោល និងខ្លះទៀតចូលទៅធ្វើជាជនទីបីក្នុងស្នេហាតារាដូចគ្នា៕
១.Matt Peeranee
ថ្វីបើមានអាជីពជោគជ័យរួមនិងការសរសើរអំពីទេពកោសល្យ តែនាងបានធ្លាក់ប្រជាប្រិយភាព ដោយសារតែជីវិតឯកជនរបស់នាង។ ក្នុងឆ្នាំ ២០១៨ Matt មានពាក្យចចាមអារ៉ាមថាលួចទាក់ទងជាមួយហាយសូ Songkran Techanarong ដែលជាអតីតស្វាមីរបស់តារាសម្តែងជើងចាស់ Aff Taksaorn។ មិនបានប៉ុន្មានខែក្រោយមក Songkran បានសារភាពថាខ្លួនកំពុងមានស្នេហាជាមួយ Matt ក្រោយលែងលះ Aff ដោយសន្តិវិធី។ ភ្លាមៗនោះ Matt ត្រូវបានពាក្យចចាមអារ៉ាមថាជាជនទីបីតោងចាប់បុរសអ្នកមាន បំ.បែ.ក.បំ.បា.ក់.គ្រួសារគេ។ តែត្រូវបាន Songkran និយាយថានាងមិនមែនជាជនទីបីទេ ការលែងលះនោះគឺដោយសារលោក និង Aff មានបញ្ហាច្រើនក្នុងជីវិតអាពាហ៍ពិពាហ៍។ ហើយអ្នកនិយមលេងអ៊ីនធើណេតជាច្រើននៅតែស្ដីបន្ទោស និងស្អប់ Matt យ៉ាងចាស់ដៃ។ ទោះជាត្រូវជាប់ពាក្យចចាមអារ៉ាមថាមានរឿងប្រេះឆាច្រើនលើក ប៉ុន្តែពេលនេះ Matt និងមិត្តប្រុសអ្នកមាន នៅតែមានសុភមង្គលជាមួយគ្នា។
២.Taew Natapohn
នាងធ្លាប់មានទំនាក់ទំនងស្នេហាដ៏គួរឲ្យស្ញប់ស្ញែងជាមួយមិត្តប្រុសរបស់នាងនៅខាងក្រៅសិល្បៈ ដែលមានឈ្មោះថា Ton Arch។ ពួកគេបានរួមរស់ជាមួយគ្នាអស់រយៈពេល ១៤ឆ្នាំមកហើយ ហើយមហាជនគិតថាគូស្នេហ៍មួយគូនេះនឹងឈានដល់ថ្ងៃរៀបការនៅថ្ងៃណាមួយ។ ប៉ុន្តែនៅក្នុងខែមេសា ឆ្នាំ ២០២០ Taew ស្រាប់តែប្រកាសថាខ្លួនបែកគ្នាជាមួយ Ton។ ប្រហែលមួយខែក្រោយមក នាងក៏បានភ្ជាប់ចំណងស្នេហ៍ជាមួយហាយសូ Pranai ដែលមានប្រវត្តិគ្រួសារល្អ ជាអ្នកស្នងមរតកម្នាក់ក្នុងចំណោមអ្នកស្នងមរតកទាំងបីនៃសាជីវកម្ម Siam Motors ដ៏មានឥទ្ធិពលក្នុងប្រទេសថៃ។ ពេលនោះ Taew រងការរិះគន់ខ្លាំងៗថា ដាច់ចិត្តបោះបង់សង្សារ ១៤ឆ្នាំ ទៅស្រវាបុរសអ្នកមាន។ ទោះជាយ៉ាងណា ពេលនេះ Taew និង Pranai នៅតែផ្អែមល្ហែមដាក់គ្នាពេញលើបណ្ដាញសង្គម។
៣.Toey Jarinporn
តារាស្រីរូបនេះ ធ្លាប់ទាក់ទងតារាប្រុសសង្ហា Alek Teeradetch តែបានបញ្ចប់បែកផ្លូវគ្នាជាផ្លូវការនៅខែមិថុនា ឆ្នាំ ២០២០ ក្រោយស្រលាញ់គ្នាបាន ៣ឆ្នាំ។ ត្រឹមតែ ២ខែក្រោយប៉ុណ្ណោះ Toey ត្រូវបានគេសង្ស័យថាបានណាត់ជួបបុរសម្នាក់ឈ្មោះ Kit ។ តាមប្រភពជាច្រើនបានឲ្យដឹងថា បុរសម្នាក់នេះជាកូនរបស់សេដ្ឋីនៅប្រទេសថៃ។ហើយពាក្យ.ជេ.រ.ស្ដី ក៏ដូច Taew ដែរ ដោយ Toey ក៏ត្រូវបានគេសង្ស័យថាទាត់មិត្តប្រុសចោល ដើម្បីណាត់ជួបបុរសអ្នកមាន។ ចំពេលការបញ្ចេញមតិពីមហាជន អតីតមិត្តប្រុស Alek ស្រាប់តែចេញមុខការពារ Toey ដោយអះអាងថា នាងមិនមែនជាមនុស្សប្រភេទដែលអ្នកនិយមលេងអ៊ីនធើណេតស្មាននោះទេ។ ចំណែក Toey បានបញ្ជាក់ថា នាងនិងបុរសនេះគ្រាន់តែជាមិត្តនឹងគ្នាប៉ុណ្ណោះ។ យ៉ាងណាមិញ អ្នកលេងអ៊ីនធើណេតជាច្រើននៅតែមិនជឿ ពិសេសក្រោយដឹងថា Kit ក៏ធ្លាប់មានពាក្យចចាមអារ៉ាមថាមានស្នេហាជាមួយ Mew Nittha ទៀតនោះ កាន់តែធ្វើឲ្យមហាជន មានការស្រឡាំងកាំងថាក្រុម Furby Gang មិនត្រឹមតែពូកែតាមប្រមាញ់ប្រុសអ្នកមានប៉ុណ្ណោះទេ ថែមទាំងចែករំលែកផ្ទេរមិត្តប្រុសឲ្យគ្នាទៀត។
៤.Mew Nittha
បើតាមប្រភពមិនច្បាស់ នាងធ្លាប់គេសង្ស័យថាណាត់ជួបបុរសអ្នកមាន Kit ម្ដងរួចមកហើយមុនពេលស្គាល់ស្វាមីបច្ចុប្បន្ន។ ក្រោយមក Mew បានណាត់ជួប Sean ជាសាធារណៈក្នុងខែកក្កដា ឆ្នាំ ២០១៨។ ដោយគេដឹងថាហាយសូរូបនេះធ្លាប់ជាគូស្នេហ៍របស់តារាស្រី Cris Horwang ដែលបានបែកបាក់គ្នានៅឆ្នាំ ២០១៧។ ទំនាក់ទំនងរបស់ Mew ជាមួយអតីតមិត្តប្រុសអ្នករួមអាជីព បានបង្កឲ្យអ្នកនិយមលេងអ៊ីនធើណេតមានភាពចម្រូងចម្រាស់ជាច្រើន។ យ៉ាងណា មកទល់ពេលនេះ អ្នកទាំងពីរកំពុងមានសុភមង្គលជាមួយគ្នា ដោយមានកូនម្នាក់ ក្រោយរៀបការជាផ្លូវការកាលពីដើមឆ្នាំ ២០២០។
៥.Mint Chalida
Mint Chalida ខុសពីសមាជិក Furby Gang ៤នាក់ផ្សេងទៀត ដោយនាងក៏បានណាត់ជួបបុរសអ្នកមានម្នាក់ដែរ មានឈ្មោះថា Pupaa Taechanarong ។ ប៉ុន្តែគូស្នេហ៍មួយគូនេះបានរួមរស់ជាមួយគ្នា១០ឆ្នាំមកហើយ។ហើយ Mint ក៏ជាសមាជិកតែមួយគត់នៃ Furby Gang ដែលមិនធ្លាប់មានរឿងចម្រូងចម្រាសទាក់ទងនឹងស្នេហា។ ដោយសារតែបែបនេះហើយ ទើបរឿងរ៉ាវស្នេហារវាងនាង និងមិត្តប្រុសនៅតែទទួលបានការគាំទ្រពីសំណាក់ទស្សនិកជនជាច្រើន។
ប្រភព៖ Kenh14.vn
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
