អាយដលអ្នកណាខ្លះ? ពេលនេះ Triple H បានសម្រេចចិត្តចូលបញ្ចប់អាជីព ជាអ្នកកីឡាកាសហើយ

អាមេរិក៖ តារាកីឡាកាសជើងចាស់ Paul Michael Levesque រហ័សនាម Triple H ដែលធ្លាប់បានអង្រួនសង្វៀនសហព័ន្ធកីឡាប្រមាណជាទសវត្សរ៍មកនេះ បានសម្រេចចិត្តចូលនិវត្តន៍ពីអាជីពជាអ្នកកីឡាកាសហើយ ព្រោះតែបញ្ហាសុខភាព។

ដោយឡែក កីឡាកាសវ័យ៥២ឆ្នាំរូបនេះ បានបញ្ជាក់ពីបញ្ហាសុខភាពថាខ្លួនជំងឺខ្សោយបេះដូងកាលពីខែកញ្ញាឆ្នាំមុន និងថែមមានជំងឺរលាកសួតដោយវីរុសម្យ៉ាងទៀតផង ដែលនេះធ្វើឱ្យរូបលោកបានសម្រេចចិត្តឈប់ពីវិស័យកីឡាកាសមកមើលថែទាំងសុខភាពខ្លួនឯងវិញម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ការប្រកួតចុងក្រោយបង្អស់របស់ Triple H គឺនៅប្រទេសជប៉ុន ថ្ងៃទី២៩ ខែមិថុនា ឆ្នាំ២០១៩ ប៉ុន្តែមិនត្រូវចាក់ផ្សាយតាមទូរទស្សន៍នោះឡើយ ដោយប្រកួតដែលចាក់ផ្សាយក្នុងទូរទស្សន៍ចុងក្រោយបង្អស់ ថ្ងៃទី០៧ ខែមិថុនា ឆ្នាំ២០១៩ ជាមួយ Randy Orton នៅអារ៉ាប៊ីសាអូឌីត៕

សូមចូលទស្សនារូបភាពខាងក្រោម៖