តាំងពីមានស្នេហ៍ថ្មី Kelly បញ្ចេញភាពផ្អែមល្ហែមរហូត

ថៃ៖ សម្រាប់ តារាសម្ដែងប្រុស លោក Kelly បច្ចុប្បន្ននេះ កំពុងតែមានជីវិតដ៏ស្រស់បំព្រងឡើងវិញ បន្ទាប់ពី បានសាងស្នេហ៍ថ្មី ជាមួយនឹងអ្នកជំនួញដ៏មានទេពកោសល្យ នាង Ploy Pamonmontri ដែលជាក្មួយស្រីរបស់លោក Sam Yuranant ជាពិសេស គូស្នេហ៍អ្នកទាំងពីរ ក៏បានបង្ហាញពីភាពផ្អែមល្ហែមកាល​ពី​ថ្ងៃ​បុណ្យ​នៃ​ក្តី​ស្រលាញ់​កន្លង​ទៅ​ ជាមួយនឹងការផ្តល់​ចិញ្ចៀន​ឲ្យ​ Ploy ទៀតផង។ 

ដោយឡែក ថ្មីៗនេះ ភាពល្អូកល្អើនរបស់គូស្នេហ៍មួយនេះ ក៏មិនបានប្រែប្រួលទៅណានោះទេ ដោយបានបន្តជាមួយនឹងរូបថតថ្មីចុងក្រោយ ដែលបានបង្ហាញខ្លួនជាមួយគ្នានៅលើបណ្ដាញសង្គម និងមិនភ្លេចបញ្ចេញកាយវិការដ៏រំជើបរំជួល ឱបថើបគូស្នេហ៍យ៉ាងរ៉ូមែនទិក ដើម្បីបញ្ជាក់ពីក្ដីស្រលាញ់របស់ពួកគេ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងនេះ បណ្ដាហ្វេនៗជាច្រើន ក៏បានបង្ហាញពីការពេញចិត្តទៅលើទំនាក់ទំនងរបស់អ្នកទាំងពីរ ព្រមទាំងសង្ឃឹមថា គូស្នេហ៍មួយនេះ នឹងបន្តមានសុភមង្គលរហូតទៅ៕

ប្រភព៖ Sanook

សូមទស្សនារូបភាពខាងក្រោម៖ 

• តារាថៃ