លាភឬយ៉ាងណា? ក្រោយពី Will Smith ទះកំ.ផ្លៀង នៅ Oscars សំបុត្រកម្មវិធី Chris Rock បែរជាឡើងថ្លៃទៅវិញ

បរទេស៖ ឧប្បត្តិហេតុរវាងតារាសម្តែងប្រុស Will Smith និងតារាកំប្លែង Chris Rock នៅ Oscars កំពុងតែមានភាពរង្គោះរង្គើ និងគួរឱ្យតក់ស្លុតបំផុត នៅក្នុងវិស័យកម្សាន្តហូលីវូដ តែទោះជាយ៉ាង កាលពីថ្មីៗនេះ ត្រូវបានគេរាយការណ៍មកថា ការលក់សំបុត្រសម្រាប់កម្មវិធីកំប្លែងរបស់ Chris Rock បានធ្វើការឡើងថ្លៃជាគំហុកទៅវិញ។

ជាក់ស្តែងគេហទំព័រលក់សំបុត្រព្រឹត្តិការណ៍ផ្សាយផ្ទាល់ TickPick បានលក់សំបុត្រកើនឡើងជាខ្លាំង ដោយក្នុងនោះ Rock គ្រោង​នឹង​សម្តែង​នៅ​សាល​មហោស្រព Wilbur ក្នុង​ទីក្រុង Boston ដែលសំបុត្រថោកបំផុតត្រូវបានលក់ក្នុងតម្លៃ ៤៦ ដុល្លារ ប៉ុន្តែបានកើនឡើងដល់ ៤១១ ដុល្លារត្រឹមថ្ងៃច័ន្ទ នេះបើយោងតាមអ្នកតំណាងទំនាក់ទំនងសាធារណៈរបស់ TickPick លោក Kyle Zorn ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ គេបានបន្ថែមទៀតថា សំបុត្រសម្រាប់កម្មវិធីថ្ងៃសុក្ររបស់លោក នៅរោងកុនតែមួយឥឡូវនេះបានកើនឡើង រហូតដល់ ៥០៣ដុល្លារក្នុងមួយសំបុត្រ ហើយត្រូវបានលក់អស់គ្មានសល់ នៅលើគេហទំព័រ Ticketmaster ថែមទៀតផង៕

ប្រភព៖ https://www.cbsnews.com/

សូមទស្សនារូបភាពខាងក្រោម៖

• តារាអន្តរជាតិ