ថ្មីចែស អ្នកបើកតាក់ស៊ីម្នាក់ ជាប់ចោ.ទ បទយកអីវ៉ាន់ភ្ញៀវរត់ ប៉ុន្តែប្រកែកថា លោកទៅ.....

ថៃ៖ ថ្មីៗនេះ មានអ្នកបើកតាក់ស៊ីជានជាតិថៃម្នាក់ ដែលរងការចោទប្រកាន់ថា បានទុកអ្នកទេសចរចោល ហើយមានបំណងចង់យកទ្រព្យសម្បត្តិរត់ ប៉ុន្តែលោកបានច្រានចោលការចោទប្រកាន់ថា គាត់គ្រាន់តែទៅបត់ជើងធំប៉ុណ្ណោះ។

ដោយឡែក ដំបូងឡើងមានអ្នកបើកបរម្នាក់ បានដឹកអ្នកដំណើរពីរនាក់ចេញពីអាកាសយានដ្ឋានអន្តរជាតិ Ubon Ratchathani ឆ្ពោះទៅស្រុកKhemmarat ដោយបានឈប់ឡាននៅស្ថានីយ៍ប្រេងឥន្ធនៈ ដើម្បីប្រើប្រាស់បន្ទប់ទឹកសិន។ ប៉ុន្តែពេល​អ្នក​ធ្វើ​ដំណើរ​ទាំង​ពីរ​នាក់​ចេញ​ទៅ​ទិញអីវ៉ាន់ហើយត្រឡប់មកវិញ មិនឃើញតាក់សុី ក៏មានអារម្មណ៍មិនស្រួល ប៉ុន្តែមិនបានសង្ស័យភ្លាមៗនោះទេ ពួកគេបានរង់ចាំ១០នាទី ទើបសម្រេចចិត្តប្តឹងប៉ូលីស ដោយសារ របស់របរមួយចំនួនដូចជា វ៉ាលី លិខិតឆ្លងដែន គ្រឿងអេឡិចត្រូនិច និងទូរស័ព្ទរបស់អ្នកទេសចរ នៅក្នុងរថយន្តតាក់ស៊ីទាំងអស់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្រោយពីទទួលបានពាក្យបណ្តឹងរួច ប៉ូលីសបានធ្វើការសួរ អ្នកបើកតាក់ស៊ីអាយុ ៦២ឆ្នាំ ដោយនិយាយថានៅពេលទម្លាក់អ្នកដំណើរចុះ គាត់ឈឺ.ពោះ.បត់ជើង ទើបគាត់ទៅចតឡាននៅក្បែរបន្ទប់ទឹក ដោយសាររូបគាត់ប្រើប្រាស់ជើងសិប្បនិម្មិត ទើបមានការពិបាកក្នុងការដើរឆ្ងាយ។ តាក់សុីរូបនេះ បានបន្ថែមទៀតថា រូបលោកចំណាយពេលប្រហែល ១០នាទីដើម្បីបត់ជើងធំរួចរាល់ មុនពេលលោកបើកត្រឡប់ទៅកន្លែងដដែល ដែលគាត់បានទម្លាក់អ្នកទេសចរចុះ ប៉ុន្តែរកមិនឃើញនរណាម្នាក់សោះឡើយ។

ជួនជា រូបលោកមិនមានលេខទូរស័ព្ទសម្រាប់ទំនាក់ទំនងទៅកាន់ពួកគេទៀតនោះ រូបលោកសម្រេចិត្តរង់ចាំនៅកន្លែងដដែល ហើយមិនអស់ចិត្ត គាត់ថែមទាំងបើកឡាន ទៅកន្លែងគោលដៅអ្នកដំណើរនៅស្រុកKhemmarat ទៀតផង ដើម្បីរកអ្នកដំណើរទាំងពីរនាក់នោះ។ 

យ៉ាងណាមិញ ក្រោយពីការសើបអង្គេតរួចមក មន្ត្រីមកពីការិយាល័យដឹកជញ្ជូនខេត្ត Ubon Ratchathani និយាយ តាក់ស៊ីនៅព្រលានយន្តហោះ និងរថយន្តដែលផ្តល់សេវាកម្មជិះបែបនេះ មិនត្រូវបានចុះបញ្ជីតាមច្បាប់ថៃទេ ដូច្នេះ អ្នកបើកបរតាក់ស៊ីវ័យ៦២ឆ្នាំនេះ អាចនឹងត្រូវពិន័យតាមច្បាប់រដ្ឋបាលរបស់ប្រទេសថៃផងដែរ៕

សូមចូលទស្សនារូបភាពខាងក្រោម៖