មុខងារកុម្ម៉ង់អាហារថ្មីក្នុងផ្សារទំនើប អ៊ីអន​ ម៉ល​ តាមរយៈ NHAM24

ភ្នំពេញ៖ ផ្សារទំនើប អ៊ីអន​ ម៉ល បានចាប់ដៃសហប្រតិបត្តិការជាមួយក្រុមហ៊ុនដឹកជញ្ជូនអាហារ Nham24 តាំងពីខែមិថុនា ឆ្នាំ២០២០​ ក្នុងគោលបំណងផ្តល់ភាពងាយស្រួល និងឆ្លើយតបនឹងតម្រូវការរបស់ អតិថិជនតាមបែបគន្លងថ្មី។

ប៉ុន្មានឆ្នាំកន្លងទៅនេះ ផ្សារទំនើប អ៊ីអន​ ម៉ល ទាំងពីរសាខា និងក្រុមហ៊ុន Nham24 បានស្វះស្វែងរកអ្វីថ្មី​ៗ​ ក៏ដូចជាប្រូមូ៉សិនផ្សេងៗ ដើម្បីផ្ដល់ភាពងាយស្រួលដល់អតិថិជនក្នុងការកុម្ម៉ង់អាហារ និងភេសជ្ជៈ​ ពីភោជនីយដ្ឋាននានានៅក្នុងផ្សារទំនើប ដោយប្រើប្រាស់កម្មវិធី Nham24។ ដូច្នេះហើយក្នុងឆ្នាំ២០២២ នេះ ​​​​​ក្រុមហ៊ុន Nham24 បានដាក់ដំណើរការមុខងារពិសេសថ្មីមួយទៀតឈ្មោះថា «Central Kitchen» ដែលអាចអោយអ្នកប្រើប្រាស់កុម្ម៉ង់អាហារពីភោជនីយដ្ឋាន រហូតដល់៣ហាងផ្សេងគ្នាក្នុងមួយលើក បន្ថែមពីលើមុខងារដ៏សម្បូរបែបផ្សេងទៀតរបស់ Nham24។ មុខងារនេះត្រូវបានបង្កើតឡើងដើម្បីឆ្លើយតបទៅនឹងតម្រូវការរបស់អ្នកប្រើប្រាស់ ដែលចង់បានអាហារច្រើនបែប ពីភោជនីយដ្ឋានផ្សេងគ្នាក្នុងពេលតែមួយសម្រាប់ការជួបជុំណាមួយ ដែលកន្លងមកពួកគាត់ត្រូវដាក់បំបែកការកុម្ម៉ង់ច្រើនលើកទើបទទួលបានអាហារ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងការដាក់ដំណើរការដំបូងនេះ Nham24 បានចាប់ដៃគូជាមួយ ក្រុមហ៊ុន អ៊ីអន​ ម៉ល ខេមបូឌា ដែលគ្រប់គ្រងផ្សារទំនើបធំជាងគេបំផុតពីរ នៅកម្ពុជាគឺ​ ផ្សារទំនើប​ អ៊ីអន ​​​ម៉ល ភ្នំពេញ និង​ផ្សារទំនើប អ៊ីអន ម៉ល​ សែនសុខ​​​ ស៊ីធី ដែលមានហាងអាហារ និងភោជនីយដ្ឋានជាច្រើនប្រភេទ​កំពុងដំណើរការ ដោយមុខងារនេះនឹងជួយសម្រួលដល់អ្នកប្រើប្រាស់ ក៏ដូចជាជម្រុញការលក់ដល់ហាងនានានៅក្នុងផ្សារទំនើប។ 

អ្នកប្រើប្រាស់​កម្មវិធី​ Nham24​ ទាំងអស់អាចប្រើប្រាស់មុខងារថ្មីនេះចាប់ពីថ្ងៃទី ០១ ខែមេសា ឆ្នាំ២០២២៕