ស្រីៗដល់វ័យអស់រដូវអាចជួបបញ្ហាគេងមិនលក់ ដោះស្រាយតាមវិធីនេះ!

វ័យ​អស់​រដូវ​ ជា​ដំណាក់កាល​​ដែល​អូវែ​ឈប់​ផលិត​អ័រម៉ូន​Estrogen និង​Progesterone ហើយ​ជា​ទូទៅ ​ស្ត្រី​យើង​​តែងតែ​អស់​រដូវ​នៅ​វ័យ​ជិត​ឈាន​ដល់​៥០​ឆ្នាំ ឬ​​លើស​ ៥០​ឆ្នាំ​តិច​តួច​​។​ នៅ​ពេល​ដែល​អូវែ​ឈប់​ផលិត​អ័រម៉ូន​ទាំង​ពីរ​ប្រភេទ​នេះ​​ អាច​​បង្ក​ឲ្យ​មាន​រោគសញ្ញា​ផ្សេង​ៗ​ដូចជា​​ការ​ឡើង​កម្ដៅ​ខ្លួន​​ភ្លាម​ៗ អម​ជាមួយ​នឹង​អាការៈ​បែក​ញើស ដែល​ជា​ហេតុ​នាំ​ឲ្យ​ពិបាក​ក្នុង​ការ​គេង។  

យោង​តាម​សមាគម​ដំណេក​ថ្នាក់​ជាតិ​ (National Sleep Foundation) របស់​អាមេរិក ប្រមាណ​៦១%​នៃ​ស្ត្រី​ក្នុង​វ័យ​អស់​រដូវ មាន​បញ្ហា​ក្នុង​ការ​គេង ដែល​អាច​បង្ក​ជា​បញ្ហា​ផ្សេង​ទៀត ដូចជា​ងងុយ​គេង​នៅ​ពេល​ថ្ងៃ ការ​ចងចាំ​ចុះ​ខ្សោយ​ ស្រ្តេស ឆាប់​​ចាស់​មុន​វ័យ​ ឬ​ស្នាម​ខ្មៅ​ក្រោម​ភ្នែក ជា​ដើម។​​

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

​ដោះស្រាយ​បញ្ហា​គេង​មិន​លក់​នេះដោយ​របៀប​ណា​?

ដើម្បី​ជួយ​ឲ្យ​​គេង​លក់​ស្រួល​ ដោយ​មិន​ចាំបាច់​ប្រើប្រាស់​ថ្នាំ​ជំនួយ​ យើង​គួរ​អនុវត្ត​តិចនិក​មួយ​ចំនួន​ខាង​ក្រោម​នេះ​៖

• ស្លៀក​ពាក់​សំលៀកបំពាក់​រលុង​ៗ ដែល​ធ្វើ​ពី​កប្បាស​
• ​រក្សា​ភាព​ត្រជាក់​នៅ​ក្នុង​បន្ទប់​គេង និង​​ឲ្យ​មាន​ខ្យល់​ចេញ​ចូល​
• ជៀសវាង​អាហារ​​ដែល​នាំ​ឲ្យ​បែក​ញើស (ដូចជា​អាហារ​ហឹរ) មុន​ពេល​ចូល​គេងនិង ចូល​គេង​ឲ្យ​​ទៀង​ម៉ោង
• ជៀសវាង​មើល​ទូរទស្សន៍ ញ៉ាំ​អាហារ ឬ​អាន​សៀវភៅ​នៅ​លើ​គ្រែ​គេង។ យើង​អាច​ធ្វើ​សកម្មភាព​ទាំង​នេះ​នៅ​ទីតាំង​ផ្សេង​ រហូត​ដល់​យើង​ងងុយ​គេង​​
• ហាត់​ប្រាណ​ជា​ទៀងទាត់​ ប៉ុន្តែ​ជៀសវាង​ហាត់​ប្រាណ​មុន​ពេល​គេង​
• ជៀសវាង​ញ៉ាំ​ភេសជ្ជៈ​​ដែល​មាន​ជាតិ​កាហ្វេអ៊ីន ជាតិ​អាកុល​ និង​ជាតិ​នីកូទីន​ច្រើន​ជ្រុល
• ជៀសវាង​គេង​ថ្ងៃ ដែល​អាច​​រំខាន​​ដំណេក​នៅ​ពេល​យប់
• ពិគ្រោះ​ជាមួយ​គ្រូពេទ្យ​អំពី​ថ្នាំ​ដែល​អាច​ជួយ​ឲ្យ​យើង​គេង​លក់​ស្រួល​ និង​គ្មាន​ផល​រំខាន
• នោម​ មុន​ពេល​ចូល​គេង។

ចំណុចសំខាន់

នៅ​ពេល​ដែល​អូវែ​ឈប់​ផលិត​អ័រម៉ូន​ទាំង​២​ប្រភេទ​នេះ​​ ​អាច​​បង្ក​ឲ្យ​មាន​រោគសញ្ញា​ផ្សេង​ៗ​ដូចជា​​ការ​ឡើង​កម្ដៅ​ខ្លួន​​ភ្លាម​ៗ អម​ជាមួយ​នឹង​អាការៈ​បែក​ញើស ដែល​ជា​ហេតុ​នាំ​ឲ្យ​ពិបាក​ក្នុង​ការ​គេង។ យើង​អាច​ដោះស្រាយ​បញ្ហា​គេង​មិន​លក់​ដែល​ទាក់ទង​នឹង​ការ​អស់​រដូវ​ ដោយ៖

• ស្លៀក​ពាក់​សំលៀកបំពាក់​រលុង​ៗ ដែល​ធ្វើ​ពី​កប្បាស
• ​រក្សា​ភាព​ត្រជាក់​នៅ​ក្នុង​បន្ទប់​គេង និង​​ឲ្យ​មាន​ខ្យល់​ចេញ​ចូល
• ​ជៀសវាង​អាហារ​ជាក់លាក់​ដែល​នាំ​ឲ្យ​បែក​ញើស (ដូចជា​អាហារ​ហឹរ) មុន​ពេល​ចូល​គេង
• ចូល​គេង​ឲ្យ​​ទៀង​ម៉ោង
• ជៀសវាង​មើល​ទូរទស្សន៍ ញ៉ាំ​អាហារ ឬ​អាន​សៀវភៅ​នៅ​លើ​គ្រែ​គេង
• ហាត់​ប្រាណ​ជា​ទៀងទាត់​ ប៉ុន្តែ​ជៀសវាង​ហាត់​ប្រាណ​មុន​ពេល​គេង
• ​ជៀសវាង​ញ៉ាំ​ភេសជ្ជៈ​​ដែល​មាន​ជាតិ​កាហ្វេអ៊ីន ជាតិ​អាកុល​ និង​ជាតិ​នីកូទីន​ច្រើន​ជ្រុល
• ជៀសវាង​គេង​ថ្ងៃ ដែល​អាច​​រំខាន​​ដំណេក​នៅ​ពេល​យប់
• ពិគ្រោះ​ជាមួយ​គ្រូពេទ្យ​អំពី​ថ្នាំ​ដែល​អាច​ជួយ​ឲ្យ​យើង​គេង​លក់​ស្រួល​ និង​គ្មាន​ផល​រំខាន
• នោម​ មុន​ពេល​ចូល​គេង។

ក្នុងករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕ 

អត្ថបទផ្ដល់សិទ្ធិដោយ Hello Krupet