ផ្នែកមួយចំនួននៃទីក្រុងសៀងហៃ នឹងត្រូវបិទខ្ទប់ ជាបណ្តោះអាសន្ន ដោយសារកូវីដ១៩

ចិន៖ រហូតមកដល់ពេលនេះ អាជ្ញាធរបានសម្រេចចិត្តបិទទីក្រុងសៀងហៃដែលមានប្រជាជនប្រហែល ២៥លាននាក់កំពុងរស់នៅ ដើម្បីទប់ស្កាត់វីរុសកូវីដ១៩ រលកថ្មី។

ដោយឡែក ការបិទខ្ទប់ទីក្រុង នឹងបែកចែកជាពីរដំណាក់កាល ដោយផ្នែកខាងកើតនៃទីក្រុងស្ថិតនៅក្រោមការរឹតបន្តឹងចាប់ពីថ្ងៃច័ន្ទដល់ថ្ងៃទី០១ ខែមេសា និងផ្នែកខាងលិចចាប់ពីថ្ងៃទី០១ ដល់ថ្ងៃទី០៥ ខែមេសា ឆ្នាំ២០២២នេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អាជ្ញាធរបាននិយាយថា ការដឹកជញ្ជូនសាធារណៈនឹងត្រូវផ្អាកសិន ហើយក្រុមហ៊ុន និងរោងចក្រត្រូវតែបញ្ឈប់ប្រតិបត្តិការ ឬត្រូវតែធ្វើការពីផ្ទះមកវិញ។

យ៉ាងណាមិញ ក្រុមមន្ត្រីបាននិយាយថា កំពង់ផែ និងមជ្ឈមណ្ឌលហិរញ្ញវត្ថុភាគខាងកើតរបស់ចិន ត្រូវតែបន្តដំណើរការដដែល ដើម្បីទប់ស្កាត់វិបត្តិសេដ្ឋកិច្ច។ នេះមានន័យថាផ្នែកមួយចំនួននៃទីក្រុងសៀងហៃនឹង បើកប្រតិបត្តិការធម្មតា ចំណែកផ្នែកមួយចំនួនទៀតនឹងត្រូវបិទទ្វារជាបណ្តោះអាសន្ន៕

សូមចូលទស្សនារូបភាពខាងក្រោម៖