ចូលរួមកម្មវិធីប្រចាំឆ្នាំ Justin ស្លៀកពាក់ឡើងស្លុយ ដូចខ្ចីគេពាក់

បរទេស៖ កម្មវិធីពិធីប្រគល់ពានរង្វាន់ Grammy Awards លើកទី ៦៤ កំពុងត្រូវបានប្រារព្ធឡើងដោយផ្ទាល់ពីសង្វៀន MGM Grand Garden Arena ដែលជាលើកដំបូងក្នុងប្រវត្តិសាស្ត្រនៃពិធីប្រគល់ពានរង្វាន់តន្ត្រីដ៏ធំបំផុតប្រចាំប្រទេសអាមេរិក។

ជាមួយគ្នានេះ តាមរយៈរូបភាពបានចេញសផ្សាយនៃ សិល្បករមួយចំនួន បានបង្អួតរាង ក៏ដូចជាសម្រស់ មិនថាសម្លៀកបំពាក់ឡូយឆាយ ទៅតាមរយនិយមរបស់ពួកគេ នៅលើកម្រាមព្រំក្រហម បានទាក់ទាញចំណាប់អារម្មណ៍ក្រសែភ្នែករបស់មហាជន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលចាប់អារម្មណ៍នោះ មហាជន ប្រទះឃើញ តារាចម្រៀងម្ចាស់បទ «Peaches» បានស្លៀកខោអាវ ឡើងទាក់ទាញពីមហាជន ដែលបានតែងខ្លួន បែកស្លុយម្តងទៀត ដោយបានជ្រើសរើសខោអាវរលុងៗ​មិនទៅប្លែកតែម្តង ផ្ទុយពីភរិយារបស់លោក Hailey បានធ្វើម៉ូតសក់របស់នាងដោយទម្លាក់ ខណៈដែលស្លៀករ៉ូបរលុង បញ្ចេញរាងដ៏ខ្ពស់ស្រឡះរបស់នាង។

យ៉ាងណាមិញ គូស្វាមីភរិយាតារាមួយគូនេះ បានចាប់ដៃបណ្តើរគ្នាឡើងត្រសង នៅលើកំរាលព្រំក្រហម Las Vegas ដែលជាការបង្ហាញខ្លួនរួមគ្នាលើកដំបូងរបស់ពួកគេនៅក្នុងព្រឹត្តិការណ៍ដ៏ធំមួយចាប់តាំងពី Met Gala ខែកញ្ញា ឆ្នាំ ២០២១មកម្លេះ៕

សូមទស្សនារូបភាពខាងក្រោម៖

• តារាអន្តរជាតិ