នេះជាជីវិត Rain និង ភរិយា ក្រោយការជាមួយគ្នា ច្រើនឆ្នាំ

កូរ៉េខាងត្បូង៖ រួមរស់ជាមួយគ្នាជាង១០ឆ្នាំទៅហើយក្ដី ប៉ុន្តែជីវិតប្ដីប្រពន្ធរបស់ តារាចម្រៀង លោក Bi Rain និង Kim Tae Hee នៅតែស្រលាញ់គ្នាដូចកាលពីចាប់ផ្ដើមស្នេហ៍គ្រាដំបូង។ ជាពិសេស បើទោះបីជា មិនបានបង្ហាញខ្លួនជាសាធារណៈនៅចំពោះមុខប្រព័ន្ធផ្សព្វផ្សាយ ប៉ុន្តែអ្នកទាំងពីរ តែងតែត្រូវអ្នកគាំទ្រ ចាប់បានថា ពីការចេញទៅកម្សាន្តជាមួយគ្នាជានិច្ច។ 

ថ្មីៗ​នេះវិញ ស្រាប់តែមាន អ្នកគាំទ្រ​ម្នាក់​ទៀត បាន​ថត​រូប​គូស្វាមីភរិយាដ៏ផ្អែមល្ហែមមួយគូនេះ នៅ​ភោជនីយដ្ឋាន​មួយ​ក្នុង​ទីក្រុង Gyeongju ​ដើម្បី​រីករាយ​នឹង​ការញ៉ាំអាហារ​ជាមួយគ្នា។ មិនត្រឹមតែប៉ុណ្ណោះ តាមប្រភពមួយនេះ បានបង្ហាញទៀតថា អ្នកទាំងពីរ ថែមទាំងមានភាពស្និទ្ធស្នាល ជាមួយមនុស្សជុំវិញខ្លួន ផ្តល់ភាពកក់ក្តៅដល់អ្នកគាំទ្រ។ ខណៈពេល​រង់​ចាំ​ស្វាមី​ពាក់​ស្បែក​ជើង Kim Tae Hee ក៏មិន​ភ្លេច​សម្លឹង​មើល​ស្វាមីរបស់ខ្លួន ​ដោយ​ក្រសែ​ភ្នែក​ស្រលាញ់​យ៉ាង​ខ្លាំង ផងដែរ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អាចនិយាយបានថា នេះជាជីវិតប្ដីប្រពន្ធមួយគូ ពោរពេញទៅដោយសុភមង្គល​ ព្រោះពួកគេ ​ត្រូវ​ចាប់​បាន​ជា​ច្រើន​លើក​ច្រើន​សា​ ពីការ​ណាត់​ជួប ចេញទៅ​ញ៉ាំ​អី​ក្រៅ​ផ្ទះ និងតែងតែកាន់ដៃ បណ្ដើរគ្នា នៅកណ្តាលផ្លូវយ៉ាងល្អូកល្អើន ដូចគូស្នេហ៍ថ្មីថ្មោង៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាកូរ៉េ