សួស្តីឆ្នាំថ្មីប្រពៃណីខ្មែរ ជាមួយការតាំងពិព័រណ៍គ្រួសារខ្ញុំ

ភ្នំពេញ៖ ដើម្បីស្វាគមន៍ចូលឆ្នាំថ្មីប្រពៃណីជាតិខ្មែរខាងមុខនេះ ក្រុមអ្នករៀបចំកម្មវិធី VL Event Planner នឹងនាំមកនូ​វកម្មវិធី ពិព័រណ៍គ្រួសារខ្ញុំ ដែលជាលើកទី៣ សម្រាប់ជាតម្រូវការចាំបាច់ដល់​គ្រប់ក្រុមគ្រួសារទាំងក្មេង ចាស់ បុរស និងនារីទាំងឡាយក្នុងការទិញទំនិញគ្រប់មុខក្នុងរដូវកាល​ចូលឆ្នាំថ្មីនេះ សំខាន់រាល់ទំនិញរាប់រយមុខមានបញ្ចុះតម្លៃរហូតទៅដល់ ៨០% ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិព័រណ៍គ្រួសារខ្ញុំ លើកទី៣ នេះនឹងប្រព្រឹត្តនៅថ្ងៃទី ០៨ ដល់ថ្ងៃទី ១០ ខែមេសា ឆ្នាំ២០២២ ដែលមានទីតាំងស្ថិតនៅ​ ផ្សារទំនើប អ៊ីអន ម៉ល សែនសុខ ស៊ីធី ជាន់ផ្ទាល់ដី (AEON 2)​ ចាប់ពីម៉ោង​ ​៩ព្រឹក​ ដល់ម៉ោង ១០យប់។​

ពិព័រណ៍នេះផងដែរ មានការចូលរួមពីក្រុមហ៊ុនគ្រឿងសង្ហារឹម ដែលជាប់លំដាប់ថ្នាក់លេខមួយនៅប្រទេសអាមេរិច   ក្រុមហ៊ុនម៉ាស៊ីនម៉ាស្សាដែលមានគុណភាពខ្ពស់ ព្រមទាំងផ្នែកសេវាកម្ម ស្ថាប័ន​សិក្សា ទំនិញប្រើប្រាស់ក្នុងផ្ទះ ផលិតផល​ខ្មែរក្នុងស្រុក ផលិតផលថែរក្សាសម្ផស្សទាំងបុរស និងនារី ផលិតផលសម្រាប់ម្តាយនិងកូនតូចៗ និងទំនិញ​ដែលជា​តម្រូវ​ការប្រចាំថ្ងៃរបស់គ្រប់ក្រុមគ្រួសារជា​ច្រើន​មុខទៀត។

អ្វីដែលពិសេសជាងនេះទៅទៀត គឺមានការ​ចូលរួមច្រៀងរាំពីតារាចម្រៀងល្បីៗនៅក្នុងព្រះរាជា​ណាចក្រកម្ពុជាជាច្រេីនរូប ​ថែមទាំងនឹងបានថតរូបជាមួយតារា​អាយដលផងដែរ។ 

កម្មវិធី ពិព័រណ៍គ្រួសារខ្ញុំ លើកទី៣ នេះឧបត្ថម្ភផ្តាច់មុខដោយក្រុមហ៊ុនគ្រឿងសង្ហារឹម Ashley Furniture Homestore ព្រមទាំងសហការឧបត្ថម្ភដោយ​ក្រុមហ៊ុនម៉ាស៊ីនម៉ាស្សាម៉ាក ZAHAKA ក្រុមហ៊ុន KOONA និងធនាគារឯកទេស KB Daehan Specialized Bank Plc. ។

សម្រាប់ព័ត៌មានបន្ថែម និងព្រឹត្តការណ៏ថ្មីៗសូមទំនាក់ទំនង: 085 777 963/ 096 921 8385