ជប៉ុន​ ​នឹង​ដក​បម្រាម​ការ​ចូល​ប្រទេស​ចំនួន១០៦ ប៉ុន្តែ​អ្នក​ទេសចរ​នៅ​តែ​មិន​អាច​ចូល​បានដដែល

ជប៉ុន៖ នាពេលថ្មីៗនេះ សេចក្តីថ្លែងការណ៍របស់រដ្ឋាភិបាលបាននិយាយថាប្រទេសជប៉ុន នឹងលុបចោលការហាមឃាត់ការចូលប្រទេសចំនួន ១០៦ ដែលបង្កឱ្យមានការភាន់ច្រលំនៅលើប្រព័ន្ធផ្សព្វផ្សាយសង្គមថាភ្ញៀវទេសចរអាចចូលប្រទេសជប៉ុនក្នុងពេលឆាប់ៗនេះ។

ដោយឡែក កាលពីល្ងាចថ្ងៃពុធនេះ មន្ត្រីក្រសួងយុត្តិធម៌ម្នាក់បាននិយាយនៅពេលត្រូវបានសួរឱ្យបញ្ជាក់ពីសេចក្តីថ្លែងការណ៍ថា តាមការពិត វានឹងមិនមានការផ្លាស់ប្តូរចំពោះអ្នកដែលអាចចូលប្រទេសជប៉ុនបានទេ ដោយសារច្បាប់នេះ នឹង​មិន​អនុញ្ញាតឱ្យអ្នកទេសចរអាច​ចូល​ទៅ​ប្រទេស​ជប៉ុនបានដដែល​។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

និស្សិតបរទេស អ្នកស្រាវជ្រាវ និងអ្នកធ្វើអាជីវកម្ម អាចអនុញ្ញាតឱ្យចូលប្រទេសជប៉ុនបានចាប់ពីថ្ងៃទី ០១ ខែមីនា នឹងបន្តអាចចូលប្រទេសបាន ប៉ុន្តែអ្នកទេសចរនៅតែហាមឃាត់មិនឱ្យចូលដដែល។

យ៉ាងណាមិញ ច្បាប់មួយនេះគឺកំណត់ចំពោះអ្នកមានភារកិច្ចត្រូវចេញចូលក្នុងប្រទេសជប៉ុនប៉ុណ្ណោះ៕

សូមចូលទស្សនារូបភាពខាងក្រោម៖